Rozerîn Şer

Di cîhana roja me ya îro de ku dijwarî û komkujî bi awayekî sîstematîk, bi rêbazên herî xirab ve tê bikaranîn de, rola herî mezin a têkoşînê dikeve li ser hêzên parastina jina azad. YJA STAR xwe di vê bingehê de li dijî hemû êrîşan amade dike û di vê derê de wek hêza bingehîn derdikeve holê. Ne tenê heza leşkerî û çekdariye di heman demê de hêza bingehîn a rêxistinî û bîrdoziye. Di her milî de pêşketina jinê re girîngtiyekî mezin dide û ji bo vê erk û berpirsyariyên mezin dikeve li ser milên wê. Ji bo vê di her qadan de xwe rêxistin dike û ji perwerda bîrdozî heta pisporiya leşkerî û artêşbûnê xebatê xwe didomîne. Di bingehê paradîgmaya civaka ekolojik-demokratîk û azadiya zayend de xwe bi rêxistin dike û bi têgîştina parastina rewa ve dibe hêza çalak a jiyanê. Di roj me de têkoşîna jina azad gîhaşt astekî girîng û nirxên xwe yê paşerojê bi awayekî serkeftî gîhande roja me ya îro. Îro yê ku vê têkoşînê nanase nîne. Çimkî her roj bi bedelên pir mezin têkoşîn didome û li her deverê cîhanê deng dide. Dengê jina azad, hest û ramanê jina kurd, di mercên herî zor de, di nav bê derfetiyê de xwe digîhîne hemû jinan.
 

Hêzên parastina jina azad xwe hem di milê bîrdoziya jina azad de bi rêve dibe, hem jî di bingehê xeta parastina rewa ve, wek gerîllayekî bi dîsîplîn û nîzam, wek leşkerekî zanist û wek têkoşerekî tevgera APO’cî bi rêxistin dike. Hemû hewl û kedên xwe di vê çerçoveyê de xerç dike û armancekî mezin û bedew dide pêşiya xwe. Bi vê serwerî û zanistiyê ve xwe di hemû qadên têkoşînê de rêxistin dike û ji bo pêşerojekî azad xwe perwerde dike. Perwerde wek rêgezekî bingehîn digire dest û ji bo her têkoşerê YJA Star bigîhîje asta zanistiyekî mezin derfet û merc diafirîne. Li hember hemû êrîşên dijmin, zoriya xwezayê di her şert û mercan de derfetê xwe yê perwerdeyê amade dike. Di her mercê de pêşxistina kesayetekî azad hîm digre. Ji bo jinekî azad biafire kedekê pir mezin dide û ji bo vê yekê hemû hêza xwe dide bikaranîn. Çawa ku di PKK’ê de perwerde wek rêgezêkî jiyan û têkoşînê tê hîm girtin, ev yek ji bo hêzên jin ê YJA STAR jî derbas dibe. Dizanê ku di vê cîhana ku bi têgîhê zilam ve hatî saz kirin de ji bo jinê cîhekî jiyanê nîne. Pergala heyî hemû derfetê kar û pêşengiya ku dide jinê li gor berjewendiyê pergala desthilat de ye. Çi di qadên polîtîk de, çi di qadên siyasî de, çi di qadên civakî de hemû gotin û amrazên ku bikartînin, jinê re mirinê pêtir tu tişt neafirîne. Ev mirin ne tenê milê kuştina fîzîkî de ye, di milê rihî, manewî, ramanî û jiyanî de mirina jinê tê amade kirin. Yek bi awayekî çors jinê re mirinê tînê, yek jî bi rêbazên hê xiraptir jinê ber bi kuştinê ve dibe. Ji xwe di milê çand û raman de kuştina ku jin jiyan dike, ji kuştina fîzîkî hê xiraptire û ji bo pêşeroja mirovahiyê talukeyên mezin bi xwe re diafirîne. Ev mijar mirov dikare hê berfirehtir jî bike, lewre em vê yekê di her kêliyên demê de guftugo dikin. Bi vê helwest û zanistiyê ve hêzên azadîxwaz YJA STAR ji bo perwerdê girîngtiyekî mezin dide. Bi perwerdê ve afirandina jinekî azad, ji bo pergala desthilatdar derbeyekî pir mezin û kur e. Her gava ku ji bo kuştina paşverutî tê avêtin, ji bo pergal û têgîha dagirkerî derbeyekî jiyanî ye. Ev derbe ji mirina jinê re ye, ev derbe ji hemû nêzîkatî û têgîhên desthilatan re xirakirinekî mezin dide afirandin. Ji bo vê jî di YJA STAR de afirandina kesayeta azad, çalekiya herî mezin a leşkerî ye.
Di heman demê de perwerdeya leşkerî re jî girîngtiyekî mezin tê dayîn. Artêşbûna jinê xwe di her milî de saz dike û ji bo pêşxistina gerîllayekî hemdem her tişt bikartîne. Pîvan û rêgezên gerîllatî pêkanîn û di vê bingehê de artêşa jinê pêşxistin ji bo têkoşînê di her mercî de hîm digre. Wek Rêber APO dibêje “Gerîlla dil û mejiyê xwe saxlem bigre” li gor vê rêgezê hemû hêzên xwe rêxistin dike û di qadên leşkerî de rolekî girîng dilîze. Ev yek rêgezekî bingehîne. Wek ku di rastiya şehîdan de her roj destanên berxwedaniya jinê tê afirandin û her yek ji me vê yekê bi awayekî zindî jiyan dike, di qadên şer de jî rolekî sereke dide li ser milên xwe. Di milê taktîg, şêwe, arazî û têgîhîştina rêgezên gerîllatî de her dem perwerde didomin. Ev perwerde tenê bi demekî ve sînordar nîne. Merc çiqas zor dibin bila bibin, perwerde li gor şert û mercên heye tê berdewam kirin. Jinên dildar ên APO’cî di vê mijarê de tu astengî nas nakin û heta jiyana xwe ya dawîn ji bo vê têdikoşîn. Ji bo vê yekê çi bedel û berxwedanî tê xwestin, ji her kesî zêdetir pêş dixwe û xwe di van mijaran de xurt dike.
 

Di vê bingehê de rêgezên ku li ser dimeşe heye. Ev jî rêgezên leşkertiya azad e, rêgezên gerîllatiya azadiyê ye. Ji di çiya de hebûna xwe bi van pîvan û rêgezan saz dike û rêxistin dike. Artêşa gerîllayê jin xwe bi nasnameya bîrdoziya jinê a azad vegotin dike û rêxistina xwe li gor pîvan û rêgezên xeta parastina rewa bi rêve dibe. Artêşa jinê nasname û hebûna xwe bi vê awayî vegotin dike. Di vê bingehê de hemû jinên dildar ê APO’cî, jinên berxwedanvan ê Kurd, jinên hêza parastina rewa YJA STAR ji bo pêşerojekî azad û pêşerojekî bi Serokatî re her curan fedarî û berxwedaniya topyekun xwe amade dike. Ji bo vê çi bê xwestin wê pêkbîne û tu car gav ji paş de neavêje. Rêber APO çavkaniya jiyan û têkoşîna azadiyê ye. Jiyana Rêber APO, jiyana hemû jinên azadîxwaz e. Jinên dildar ê YJA STAR ji bo vê her dem wê hewl bide û têkoşînekî bê hempa bide meşandin. Em jiyanekî bê Serokatî tu car naxwazin û vê yekê em nahizirin jî. Hizrandin û jiyana me bi hebûna Rêber APO ve girêday e. Di vê pêvajoya ku êrîşên mezin li ser Serokatî tê pêşxistin de rola herî mezin dilîze û wê hê bêtir vê pêşde bibe. Heta ku jiyana Serokatî bigîje ewlekarî û azadiyê di têkoşînê de heta dawî bi berkî ye. Artêşa jina azad ji bo vê yekê xwe di bingeh de bi awayekî berfireh amade dike. Xwe di her qadî de di vê bingehê de rêxistin dike û tanzîma xwe pêş dixwe.
 

Ji bo vê jî çiya meskenê jin ê dîrokî ye. Di qadên çiya de hebûna jinên azad û hebûna artêşa jinê ji bo jinê din jî ewlekariyekî bingehîn e. Em vê yekê bi awayekî balkeş dibînin. Di roja me ya îro de hemû pêşketinên ku tê jiyîn bi vê rastiyê ve têkîldar e. Tu kes vê yekê nikare înkar bike û ji nedîtiyê ve bê. Hêza jin a gerîlla ewlekariya hemû jinên Kurd û heremê ne. Tu kes nikare bibêje ku, di vê cîhanê de qadên ku jin tê de jiyan bike nîne, jin encax dikare di bin pergala desthilat de jiyan bike û li gor vê rêgezê, li gor xwesteqa zilam jiyan bike. Em ji vê yekê re dibêjin NA! Qadên ku jin azad jiyan bike heye, çiya cî û warê jinên azad ê têkoşer in. Jin ne neçare ku heta dawiya jiyana xwe bi koletiyê ve, bi zilam re bijî. Qadên ku jin xwe azad rêxistin dike û bi rê ve dibe heye. Jinê azadîxwaz hemû di çiya de kom dibin û ev helwest ji bo pergala desthilatdar derbeyekî pir mezin û dijwar e. Heval Gulbahar temsîla vê yekê ya herî mezin bû. Wek fermandarekî jin, ji bo têkoşîna parastina rewa heta hênasa xwe ya dawî têkoşiya û bi vê mebestê gîhaşt asta şahadetê. Heval Gulbahar kedekî pir mezin ji bo têkoşîna azadiya jinê da. Di temenê xwe yê biçûk de dest bi têkoşînê kir û di qadên têkoşînê de salên mezin û dirêj derbas kir. Heval Roza, Avesta, Delîla, Xînda, Berîtan, Roza û hemû hevalên şehîd ku mirov nikare navê wan yek bi yek binivisîne, tîmsala vê yekê bûn. Ger mirov bixwaze têkoşîna azadiya jine binase, pêwîst e di rastiya van hevalên leheng ê jin de bigere. Her yek vê demên tekoşînê ê dijwar wê ji me re bi awayekî vekirî vegotin bike.