Yıldız Erzincan

“Hewirdorê şer, hewirdorê ku berhemên baş derdixe holê ye. Hewirdorê şer, hem milên xirab hem milên baş bi awayekê zelal dest nîşan dike. Em nikarin weke hewirdorê şer, hewirdore ku mirov zanist dike bi lêv bikin. Pêwîst e jin di her milan de beştarbûna xwe ji şer re, weke bextewarî binirxîne. Ancax bi şer ve kesayet dikare hemû paşverutiya xwe û bi taybetî sipandinên civak li ser jinê bibîne. Di vê bingehê de dikare zanistiya xwe jî kûr û berfireh bike.”  SEROK APO
 

Di dîroka şaristaniyetê de derketina pergala desthilatdar; serweriya di navbera mirov û xweza, mirov û mirov, bi taybet jî daxt û zordariyê ve dest-pêkiriye. Em bêhevsengiya vê pêvajoyê, weke afirandina şêwaza hiyerarşîk dinirxînin. Ev jî bi desthilatdariya zilam a li ser zayenda jinê ve destpêkiriye. Berî ve pêvajoyê di peywendiyê zilam û jinê de wekhevî, hevparkirina xwezayî û rêgeza hûrmet bandor bû. Ev pergala civaka yekem, bi derketina desthilatdarî û serweriya zilam ve tê gûhartin. Ev rewş di jiyana civakî de pir têkçûnan re rê vedike û bi vê awahî pergala zilam di her qadên dîrokê de xwe sazdike. Di asta herî jor de jî bi şêweya dewlet ve gihaştiye pergalê. Êdî pêvajoya civaka xweza bi dawî dibe û şûna wê di derbarê raman, hest, rih, aborî û fîzîkî de tûndiyekê pêşdikeve. Ev pergal di naveroka dîrokê de xwe sazkiriye û heta roja me ya îro di asta kesayetan de jî bandora xwe bi awayekî balkeş derdixe pêş. Niha di pergala Kapîtalîst de kaosa ku şewka xwe bi awayekê dijwar û tund diyar dike, kûraniya vê têgîhê dest nî-şan dike. Di roja me de jî ev têgîha desthilatdarî, li ser xweza, civak û kesayetan pir xirabî derdixe holê. Di dîrokê de heta niha têkoşînên azadiyê yên ku pêşketiye çavkaniya xwe, hêviya jiyana demokratîk û komînal digire. Lê belê ji bo ku xwe ji têgîha pergala babiksalarî kût nekirine, pergala jederk jî ava nekirine. Di dawî de jî ji koletiyê kût nebûne û ji cewherê xwe dûr ketine. Niha di pêvajoya kaos de gel û tevgerên azadiyê pêwîst e, ceribandinên dîrokî yên tevgera azadiya gelan encam derbixin û têgîna dewlet, serwerî û tûndî lêkolîn bikin. Ev ji bo encam girtina têkoşîna azadiyê pir girîng e.
 

Di Kurdistanê de zîhniyeta daxt û kûmkojî bi awayekê kûr bandora xwe li her qadê jiyanê kiriye û en-camên pir bi xwîn derxistiye holê. Di vir de kesayet hem di navbera pêdaraziyên kevneşopî de hatiye fetisandin, hem jî di bingehê pergala koletî û feodalî de hatiyê tûne kirin. Bi bandora pergala kapîtalîst ve nirx û rûmeta xwe ya civakî hûnda kiriye û cewherê xwe dûr ketiye. Civak di nava van peywendî û bandoran de derveyê serdemê maye. Di nava van bandoran de jinê hîn zêdetir şikandinan jiyan kiriye.
Niha di nava tevgera azadiyê de bi alîkarî û pişt-giriya Serok APO ve artêşbûna jinê hatiye ava kirin. Jin bi xebatê artêşbûnê ve hêz û baweriya xwe der-xistiye holê û di nava giştî de jî hûrmetekê daye raber kirin. Di heman demê de, di qadên çiya de jin bi hewl û kedê xwe ve derfetê jiyankirinê afirand. Ev ji bo ji nû ve afirandina pergala neolîtîk û lêgerîna rastiya xwe ya hezar salan temenekê mezin derdixe holê.
Tevgera azadiyê ji roja damezrandina xwe heta niha, şerekê di bingehê xeta parastina rewa de domand û di şer de hîmên parastina cewherî armanc digire. Her çiqas Serokatî şer di vê bingehê de da meşandin jî, dem dema şere derveyê armancê, derveyê xeta parastina rewa hate meşandin. Ev jî çavkaniya xwe, bi hêrsên desthilatdarî ya kesayetan digire. Di nava tevgera azadiyê de jî kiryariyên xeter derketin holê. Serokatî li hember têgîhên çete, kiryariyên ku ji xeta azadiya gel dûr, têkoşîn didan meşandin. Di vê bingehê de artêşbûna jinê li hember têgîhên çete, nêzîkatiyên lîberal û radestiyê, weke ewlekariya rêxistinê hate pêşxistin. Lewre di nava kesayetên jinê de, têgîhên rastiya zayenda xwe dûr, nêzîkatiyên ji bo çete dibe bingeh derketin holê. Ev jî hêşte ku tevgera jinê gor vê mîsyonê rola xwe pêkneyne. Li hember van kiryariyan pir lehengên jinê, yên ku di bingehê xeta Serok APO de dimeşiyan jî derketin holê. Zîlan, Bêrîtan, Rojbîn û di pir hijmar de rêhevalên jinê mînakên pir balkeşin. Di dîroka têkoşîna me de xeta radestî û lehengî di heman demê de weke têkoşînekê dijwar hatiye meşandin. Heta roja me ya îro jî êşên vê kiryariyê bandora xwe didomîne.
 

Em niha pêvajoya derbasbûna pergala desthilatdarî jiyan dikin. Ev pergal niha ji bo pêşiya têkçûnê asteng bike, ketiya nava tevgere. Di vê bingehê de hemû Pergalên kevin, ên ku ji bo pêşketinê astenge dixaze derbas bike. Ji bo vê sedemê; di vê pêvajoyê de tevahî hêzên ku di îdîaya gûherînê de ne, pêwîst e rengê têkoşîna xwe diyar bike. Di heman demê de jî hêzên kevneparest, ên ku gûhartinê naxazin jî derdikevin holê. Yanê pirsgirik pir tund bûye û di navbera hêzên kevneşopî û azadîxaz de têkoşîn tê meşandin. Serokatiya me di paraznameya bi navê “Parastina Gelekî” de hem sedem hem jî encamê vê pêvajoyê bi awayekê berfire nirxand. Ji bo ku hêzên azadîxaz di vê pêvajoyê de serkeftin bigirin dest, pêwîst e gor bercewendiyên azadiya gelan tev bigere û rêxistin, tevger û xeta xwe ya çalekiyê diyar bike. Çûnkî ev pêvajo, bi hewl û kedê têkoşîna hêzên azadîxaz ve rengê xwe bigire. Di bingehê çareseriya demokratîk de pirsgirika gelê Kurd çareser kirin, ji bo gelên Rojhilata Navîn jî rêka civaka-ekolojîk a demokratîk heta dawî vedike. Bi vê armancê ve girêdayî, ji bo ku paradîgmaya nû bikeve jîyanê têkoşîn pêşxistin û têgîhîştin pêwîst e. Vê yekê bi têgîha hevgirtin ve girtina dest û ketina zanistiya vê pêvajoyê girîng e. Di çorçeveyê biryara 1 hazîranê de hedefa hêzên artêşê HPG, hêvî û armancê gelê Kurd di çorçeveyê paradîgmaya civaka eklojîk û şoreşa zayend de ava-kirine. Di xakên Rojhilata navîn de afirandina jiyana azad ancax, di bingehê şerê parastina rewa de gengaz e. Mînakên vê di roja me de pir derdikevin holê. Ev jî, li hember Serokê me tecrîta ku tê domandin, dijberê gelê Kurd daxt û êrîşen ku pêş dikevin û li hember hêzên HPG operasyonên ku tê meşandin, bi awayekê zelal pêdiviya şerê parastinê dest nîşan dike. Bi van êrîşan ve girêdayî di nava rêxistinê de jî xeta radestî û xiyanet derketin holê û dixestin nirxên me yên rûmet tûne bikin. Dijberî her cûran êrîş, bi xeta parastina rewa ve bersiv dayîn pêwîst e. Ev koma radestî, di herî bingeh de jî li hember nirx û afirandinê jinê ketin nava tevgerê. Ev pêwîstekana hemû ji bo me pêdiviya şerê parastina rewa vegotin dike. Bi taybetî jî di nava HPG’ê de, artêşa jina azad YJA STAR, dijberê xeta radestiyê têkoşîn meşandin û berxwedanî pêşxistin weke rêgez dipejrîne.
 

Hemû endamê artêşa jina azad YJA STAR, nirx û rûmetên têkoşîna azadiyê heta dawî diparêze û di pêşerojê de jî bi biryara şerê parastina cewherî ve têkoşînê heta dawî bidomîne. Em di nava zanistiya erkên xwe yên azadiya jinê û mafên gelê Rojhilata Navîn parastinê de ne. Di vê armancê de hedefên me yên herî yekem bi awayekê lez beştariya pêvajoya 1’ê hazîranê ye. Her qadên ku em tê de dijîn, ji bo me weke qadekê pêşengiye. Me berpirsyariya xwe ya ji bo pêşengtiya paradîgmaya nû, di kiryariyên leheng ên jinê de girte dest.
 

Weke hêzên YJA STAR, dijberê gelê me, hêzên HPG û bi taybet jî dijberê jinê her cûran êrîş, di milê bîrdozî, rêxistinî û leşkerî de, emê di nava parastinekê çalak de bin. Di nava şer de jî erkên me yên bingeh, hem pêşengî hem jî di çorçeveyê zagonên şer de têkoşîn domandine. Di serî de çale-kiyên ku ji jin, zarok û jiyana gel re xetarî dide, heta dawî wê xwe ji dûr bixwe. Bi taybetî jî di nava civakê de êrîşên dijwar dijberê jinê didomin. Pêwîst e jin li hember van êrîşan bi ma-fê parastina rewa ve bersiv bide. Di vê bingehê de armanc digire ku, her jinê bigîhîne asta zanistiya parastina rewa. Dijberê jinê her roj, destavêtin, tacîz kûştinên namûs û weke meta bikaranîna jinê, yanê hemû êrîşan jî ancax yekîtiyên jin ên azad dikare bersiv bide.
 

Di vê pêvajoyê de erkên me yên herî yekem, girîngtiya çiya jibîrnekirin û jinên ciwan bikişînin çiyayê azad. Pêwîst e bi awayekê lez di vê pêvajoya de, em hemû xwe di bingehê paraznameya Serok APO de ji nû ve avabikin û di vê derbarê de têgîhiştina xwe xurt bikin. “Heger ji bo pêkanînê, pêngava herî mezin têgîhîştine, ancax em dikarin bi têgîhîştina xwe ve dijberê êrîşan bersiv bidin. Heger serkeftina jinê, serkeftina civakê ye, em her ku xwe binasin û fêm bikin, em dikarin rast bikevin nava kiryariyê.” Ev ne tenê nirx parastin, ji bo hêza afirandina jiyanê jî pêwîst dike. Wê jin di vê bingehê de serbixe û bi xwe re civak bibe berbi serkeftinê. Zimên û hîmên vê pêvajoyê jî ev e.