ŞIXULÎNA HUNDIRÎN A HPG’Ê:

 1- Pergala Ferman û Talîmatan: Di HPG’ê de şixulîna esas, navendîtiya demokratîk e. Şêweya pêkanîna navendîtiyê, pergala ferman û talîmata ye. Pêkanîna hêla demokratîk jî, bi civîn, raberkirina raporan, hilbijartina fermandar, nêrîn girtin û sendin, di girtina biryaran de beşdarkirina her endamê artêşê û pêşvebirina her cure pêşniyar û bi rexnepêşxistinê dibe. Fermandarê di her astê de, peywirên komûtayê yê hêzên ku girêdayî xwe ne, bi ferman û talîmatan tîne cî.

Ferman: Ji bona pêkanîna peywirekê, fermana kurt û cewherî ye.

Talîmat: Ji bona peywir wê çawa hîn zêdetirîn û firehtir pêk bên, ji bo pêkanîna peywiran fermana ku perspektîfan di hundirê xwe de dihewîne.

Her fermandar der barê peywirên ku bêne kirin de, ji hêzên ku girêdayîne re, neçar e di cî û dema xwe de talîmat û fermanan bide. Fermandarê ku vê neke, peywirên fermandariya xwe neaniye cî tê hesibandin.

Fermandarek, nikare talîmatên li dij exlaqê jiyana şoreşgerî, yên ji derveyî rêgezên rêxistinê, yên kêfî û li gorî xwe bi pêş bixîne.  

Her fermandar û şervanên HPG’ê, ferman û talîmatên ku girtiye, teqez di wext û di dema xwe de pêk tîne. Ji fermanan re îtîraz nabe.

 2- Pergala Rapor û Tekmîlan: Der barê xebatên ku ji jêr ber bi jor ve tê kirin de, agahîdarkirina qedemeyên komûtayê digire nava xwe.

Tekmîl: Faliyetên rojane bi kurtasî dinirxîne. Der barê peywirên ku hatine kirin an jî faliyetekê de, agahîndayîna kurt û cewherî ya qedemeya komûtayê ya berpirs e.  

Rapor: Der barê xebatên demeke fireh girtiye nav xwe û encamên ku derketine, bi şîroveyeke diyarkirî re, raberkirina agahîdayîna ji qademeya komûta ser re ye.

Her fermandar û şervanên HPG’ê, fermanên ku jê re hatine dayîn, piştî ku pêk anî, der barê encamên wê de, saziya ku ferman daye re teqez tekmîl dide. Her yekîneyeke HPG’ê, fermandariya ku girêdayî ye, der heqê xebatan de tekmîl dide. Her wiha di demên diyarkirî de, der barê xebatên ku hatine kirin de, fermandariya ku girêdayî ye re, hem şexsî, hem jî wekî bîrîm rapora nivîskî raber dike. Raporên yekîneyê, piştî ku ji erêkirina yekîneyê hate derbaskirin, pêşkêşî ser tê kirin.

Ferman û tekmîl, heta ku mûmkûn e bi derbaskirina qeydan re, bi devkî tê ragihandin. Rapor û talîmat jî, divê teqez bi nivîskî be û derbasî qeydan bêne kirin.

Rêxistina jêr, di wextê ku hatiye diyarkirin de tekmîlan bi pergal nede, rapor amade neke û ciyê ku pêwîst dike negihînin, wê peywirên xwe yên bingehîn neanîbe cî bê hesibandin.      

Hemû fermandar û şervanên HPG’ê, salê carekê ji Fermandariya Biryargeha Navendî re rapor dinivisîne.

 3- Têkiliyên Jêr û Jor: Têkiliyên jêr û jor, têkiliya di navbera fermandar, şervan û fermandarên di astên cuda de îfade dike. Her fermandar; fermandar û şervanên ku di bin komûtayê xwe de ne, di çarçoveya pîvanên fermiyetê û rêhevaliyê de, neçar e ku tarza xebat û esasên rêveberiyê sererast bike. Şêweyên têkilîdayînê yên ku hêla wê ya perwerdehiyê nîn be, naverokeke ne vekirî û bi pêş ve nebe, lewaz hiştina disîplînê û mehandina fermiyetê rewşeke sûc e. Hemû fermandar û şervanên HPG’ê, tarza têkiliya ferdê bi îrade, azad û demokratîk esas digire. Di perwerde, civîn û jiyanê de, her kes xwedî mafên wekhev e. Fermandar neçar e di nava pergalek têkiliyeke ku ji bona çareseriya hemû pirsgirêkên jêrî xwe re be.

 4- Disîplîn: Disîplîn, rêgeza bingehîn a pergala nava hundirê artêşê ye. HPG, hêza şerê xwe, di esasê de hêza xwe ya şoreşgerî û leşkerî ji disîplîna xwe digire. Disîplîna HPG’ê, tevahiya rêzikên bingeha îradeya azad û avakirina avakeriya demokratîk e. Ev disîplîn, xebatên yekîneyê, çalakiyan û hêza hevbeşî û baweriya gel zêde dike. Fermandar û şervan, bêyî kêmasî ji pêkanîna rêzikên disîplînê û rêgezên rêvebernameyê mûkelef in. Ji bona ku şer bi awayekî serkeftî birêve bibin, di jiyana yekîneyê de pêkanîna disîplîna leşkerî şert e. Yên ku vê pêk neynin, sûcdar tên hesibandin.

 5- Sîstema Civînan: Civîn; yekîneyên HPG’ê û rêveberiyên yekîneyê ku bi navberên diyarkirî an jî di rewşên ku pêdivî bê dîtin û bi awayekî bi sîstem tên cem hev de, platformên ku pirsgirêkên rêxistinê û faliyetên ku têne meşandin têne nîqaşkirin, biryar têne sendin û ciyên ku çareserî têne hilberandinê ne. Di civînan de, hemû faliyetên ku hatine birêvebirin tên nirxandinê. Fermandar, der barê faliyetan de, rapora faliyetên xwe ji jêrî xwe re raber dike. Di civînan de, ji bona pêşerojê plan û bername tê bi pêş xistin. Ji ber vê jî, bi awayekî amadekirî diçe civînê. Civîn bi şixulîna demokratîk têne kirin. Di van civînan de, mafê rexnekirin, bi pêş ve birina rexnedayîn û bi awayekî rihet ramana xwe anîna ziman heye.

Sîstema civînê, li gorî sîstema tekmîlên rojane, heftane civînên tîman, di 15 rojan de yên taqiman, mehane bolik û di 45 rojan de tabûr birêve diçe.

Her wiha, divê teqez civînên perwerde û nîqaşan, di rewşên şer de berî her çalakiyên civînên plankirinê û piştî çalakiyan civînên nirxandinê bêne kirin. Yekîneyên artêşê di astên cur bi cur de û li gorî sîstema rêveberiya diyarkirî, bêyî ku civînên xwe dereng bixin li dar dixe û encamên her civînê bi awayekî nivîskî ji fermandariya ku girêdayî ye re rapor dike.

Civîn li gorî rêgezên rêvebernameyê, bi awayekî guncav li dar dikevin. Dema ku beşdariya civînê çênebe, ger ku hinceteke bê pejirandin neyê nîşandan, der barê endamên ku beşdar nebûne de hukmên rêvebernameyê pêk tên.  

6- Rexne û Rexnedayîn: Ji bona ku ferd ji çewtî, kêmasî û paşverûtiyên xwe rizgar bibe û îradeya ferdên azad derê holê û bikeve xetê; ji bona demokrasiya hundirîn a nava artêşê bi pêş bikeve, rêbaza herî bandor rexne û rexnedayîn e. Bi vê sedemê, di şixulên nava yekîneyan de rexne û rexnedayîn jênavegere. Her fermandar û şervanên HPG’ê, neçar e ku li hember çewtî û feraset û elimandinên ku rê li ber windahiyan vedike pejinkar be û li hemberî çewtiyan bi awayekî guncav bi hestên berpirsyariyê, divê di civînan de bi rêbaza rexnekirinê têkoşîn bide.

Pirsgirêkên rêxistinî bi rexne û rexnedayînê çareserkirin esas e. Rexne; perwerdekirin û bi pêş ve birina kesayetî esas digire û li gorî têkiliyên guncav ên rêhevaltiyê tê kirin. Bi tawambariyên bê bingeh kesan hilhilandin(yıpratmak) nakeve çarçoveya rexneyê û sûc teşkîl dike. Her fermandar û şervanên HPG’ê, bi qasî ku rexne dike, divê li hember çewtî û kêmasiyên xwe jî bi awayekî radîkal, di rexnedayîna xwe de wêrek tevdigere. Rexnedayînê wekî rêbaza herî bingehîn a xwe nû kirinê û xwe bi pêş ve birinê dibîne, di wext de û rast pêk tîne. Li hember rexneyê ku jê re hatiye re, bertek nîşandayîn û çûyîna danekirinan ji bona fermandar, sûc e.

 7- Tayîn û Terfî: Di HPG’ê de tayîn û terfî ji xebatên herî girîng in. Bi armanca pêşwazîkirina pêdiviyên qademeyen komûtayê, ji jêr heta jor, di nava hemû endamên HPG’ê de, bi pîvanên komûtayê esas girtinê tayîn û terfî têne kirin. Di tayîn û terfiyan de, asta partîbûyînê, formasyona îdeolojîk û polîtîk, di xetê de zelalbûn, girêdan, xîreta têkoşînê, diristî, kabîliyeta plankirinan, hêza birêvebirin û venêranê, rewşa moral û wijdanî, tecrûbe û hişmendiya leşkerî esas tê girtin. Çewtiyên ku li vê mijarê nayên û encamên nêzîkatiyên ji pîvanên seranser, ehbab û çawişiya ku ji nêzîkahiyên çînî re xizmet dike, mehelî, malbatî, eşîrî, herêmî û hwd. re destûr nayê dayîn. Di tayîn û terfiyan de, rewşên li gorî pîvanên xwe nêzîkahî an jî pirsgirêkên heyî ji qad û saziyên din re dewrkirin qet nabe. Li hemberî van pêkanînên ku astengiyan diafrînên re, divê di dema xwe de biçin pêkanîn û tedbîran.

Di rûniştandina feraseta gerîlayên profesyonel de, divê di xebatên tayîn û terfiyan de bi cidiyeteke pêwîst û bi girîngî nêzîkahî bê nîşandayîn.

Ji bona wê jî;

a) Tayîn û terfî, di civînên Konseya Leşkerî ya HPG’ê û Konseya Komûtayê de tê bi dest girtin û biryar têne girtin. Di rewşên acîl de, komûtayê li gorî pêdivî û di rewşên valahiyan de tayînkirin jî, di erêkirina Konseya Komûtayê re derbas dibe.

b) Her terfîkirin, divê ji erêkirina saziya jor re bê derbaskirin. Terfîkirinên ku ji hêla jor ve nehatibin erêkirin ne fermî ne.

c) Tayînên bolik û jorî wê, di navbera du civînên Konseya Leşkerî de, di erêkirina Konseya Komûtaya HPG’ê re neyê raberkirin, fermî nabe.

d) Di tayîn û terfiyan de, di şûna pîvanên ku hatine diyarkirin, helwestên şaş ên li gorî xwe çûyîna peywirdarkirinê, di vê mijarê de tevgerîna ne kolektîfî, şexsî, kêfî û esasgirtina şexsan wê sûc bê hesibandin û li hemberî vê yekê jî di çarçoveya rêvebernameyê de li hember van tê çûyîna pêkanînan.

e) Fermandarê Biryargeha Navîn herî zêde dikare 4 salan li ser kar bimîne. Kordîneyên biryargehan herî hindik salekê, herî zêde jî dikarin 4 salan li heman herêmê bimînin. Femandarên ku vê demê temam kiribin, tayîna wan ji bona herêmên din tê kirin. Ev dem, li gorî pêwîstiyan herî zêde salek dikare bê dirêjkirin. Konseya Leşkerî ya HPG’ê ku salê carekê li hev dicivin, xwedî însiyatîfa rewşa tayînên kordîneyan di ber çavan re derbaskirin û ji nû ve tayînkirinê ye. Tayîn û terfiyên kordîneyan, bi erêkirina Komîteya Parastina Gel re girêdayî ye.

f) Gerîlayek HPG’ê, herî zêde çar sal li herêmekê dikare bixebite.    

g) Bi hişmendiya encamên neyînî derxistina li ser hev ji peywir girtin û guherînan, divê di vê mijarê de ji nîşandayîna nêzîkatiyên hêsan, erzan û şaş, dûr bê mayîn. Ji peywirê girtin, tenê ne çareserî ye û bi tecrûbe piştgirîdayîn esas tê girtin.

h) Di nava HPG’ê de, fermandarê ku bi piranî şervan naxwazin ji peywirê tê xistin û rewş tê nirxandinê.

i) Kesê ku ji peywirê hatiye girtin, heta ku di rewşa wî de guherînek neyê tespîtkirin, dîsa sedemên ji peywirê dûrxistinê ji holê ranekiribe, ji nû ve nayê peywirdarkirin.

j) Fermandarê ku ji peywira xwe hatiye girtin, sedema girtinê hem jê re hem jî ji hemû binyadê(yapı) re bi hincetên xwe tê aşkerekirin.

k) Tayîn û terfîkirin, li gorî sîstema fermandarê tîmê, fermandarê taqimê, alîkarê fermandarê taqimê, fermandarê bolikê, alîkarê fermandarê bolikê, fermandarê tabûrê û alîkarê fermandarê tabûrê tê kirin.

l) Kes, divê li hember peywirên xwe xwedan xwestek be û bi berpirsyariyeke şoreşgerî nêzîk bibe.

m) Hemû komûta(tîm, taqim, bolik, tabûr) salê carekê ji erêkirina binyadê(yapı) re tê derbas kirin. Rêveberiyên qadan, di civînên rêveberiya berfireh de, di erêkirinê re derbas dibe. Fermandarên ku binyadê(yapı) erê nekin, sli ser peywirê nikarin bimînin.

n) Ji bona ku di tayîn û terfiyan de bibe alîkar, sîstema sicîl a bi pergal bi pêş ve bê birin esas tê girtin.