1- RÊXISTINKIRINA YEKÎNEYÊN HPG’Ê

Yekîneyên HPG’ê, di asta parastina sivîl, herêmî û navendî xwe birêxistin dike û ji hêzên ên mezinahiya xwe cur bi cur in pêk tê. Wekî yekîneyên bingehîn ên gerîla, bîrîma herî biçûk tîm e ku ji sê an pênc kesî pêk tê. Bi dorê li gorî rêza taqim, bolik û tabûr mezin dibe û têne pergalkirin.

Ev yekîne li gorî binyada xwe, qadên tevgerê û peywirên xwe, di bin fermana fermandariyên seha û eyaletan de birêxistin dike û faliyetên xwe birêve dibe.

Tîmek ji sê an pênc kesan pêk tê. Taqimek ji du an sê tîman pêk tê. Bolik ji du an sê taqiman pek tê. Tabûr jî ji du an sê bolikan pêk tê. Yekîneyên HPG’ê, li gorî mercên qadan û pêdiviyan, xwe wekî tîm, taqim, bolik û tabûr bi awayekî guncav bi rêxistin dike. Pergala yekîneyên gerîla, li gorî sîstema sê-sisêyî bi pêş dikeve. Li gorî mercan di vê pergalê de kêmkirin an zêdekirin çêdibe.   

2- RÊXISTINKIRINA HUNDIRÎN A YEKÎNEYÊN HPG’Ê

Her yekîneyeke HPG’ê, li gorî asta xwe, hatiye xemilîn û ji hêzên ku veqetiyane beşan, pêk tê.

Tîm, li gorî çawaniya peywirê, bîrîma şer a bingehîn e ku baş hatiye perwerdekirin û rêxistinkirinê. Di taqimekî de sabotajvan, sûîkastvan û li gorî rewşê otomotîkvanê navîn û tenduristvan hene.

Bi mezinbûna asta yekîneyê re, van beşên ku rêxistinkirina xwe ya hundirîn pêk anîne, wê zêdetir vekirî û pêşdetir xwe bi rêxistin bike û yekîne di nava pergaleke diyarkirî ya rêxistinî de dixebite.  

3- SÎSTEMA KOMÛTAYÊ YA YEKÎNEYÊN HPG’Ê

Pergala komûtayê li gorî sîstema sê an pênc kesan pêk tê. Ji tîmê re fermandarê tîmê komûta dike. Sîstema komûta ya taqimê; ji yek fermandarê taqimê û ji fermandarên tîman pêk tên. Sîstema komûta bolikan; ji fermandarê bolik û fermandarên taqiman pêk tê. Sîstema komûtayê ya tabûran; ji fermandarê tabûrê û fermandarên bolikan pêk tê. Di sîstema komûta ya tabûrê de, herî hindik du endamên rêveberiya YJA STAR’ê cî digirin.

Komûtaya fireh a bolikê, ji hemû fermandaran pêk tê. Binyada komûtaya fireh a tabûrê, ji fermandarê tabûrê û ji rêveberên bolikê pêk tê. 

Taybetî û peywirên femandarê yekîneyê û alîkarên wan ev in:

a)Fermandar: Ew kes e ku; xeta serokatî di warê îdeolojîk, polîtîk û rêxistinî û di xeta parastina rewa de, bi cewherî fêm kiribe, yê ku jiyana demokratîk esas digre, ji hunera şer fêm dike, xwedî hêza pêkanîn û plankirina taqtîkan e, taybetmendiyên rêveberiyê di xwe de dihewîne; xwedî hêza bi lezgînî biryardayîn û femandayînê ye, xwedî însiyatîf e, polîtîk û pêşdîtina pratîkî, afirîner, çalak û xwedî rihekî bilind ê êrîşê ye; biryarbûn, rêzdarî, zindîbûn, dilnizmî, xwedî behrebûn, bi xebatkariya kesayetiyeke şoreşger û milîtane ku dikare çavkana rih û moralê rêhevalê xwe.

Ji sewq û debarkirina yekîneya xwe berpirs e. Di yekîneyê de, di pêkanîna peywirên pêwîst ên ku bêne cî de bixwe pêşengî dike. Li gorî talîmatên ser, di yekîneyê de plankirin û birêvebirina hemû tevgerên leşkerî, sererastkirin û pêkanînan de ji rêveberiya xwe berpirsyar e. Fermandarê ku esasên di rêvebernameyan de hatine diyarkirin pêk neynin, jiyana yekîneyê, perwerde û disîplînê bi cî neynin ji peywirê têne girtin. 

b) Alîkarê Fermandar: Xwedî taybetiyên ku li jor ji bona fermandar hatine diyarkirine. Di sewq û rêvebirinê de, di plankirin û pêkanîna hemû faliyetên leşkerî ku bê birêvebirin de, ji komûtayê re alîkarî dike û di derbaskirina peywiran a jiyanê de di radeya duyemîn de berpirsyar e. Di rewşa bêpeywir mayîna fermandar de, femandariya yekîneyê digire ser xwe. 

4- ŞERVANÊN HPG’Ê: Şervan, ew kes e ku; di rêgeha paradîgmaya civakî ya demokratîk-ekolojîk û azadîxwaziya zayendî de, li hemberî her cure serdestiya li ser gelê kurd bi dilxwazî şer dike, yekîtiya demokratîk a azad a gelên Rojhilata Navîn esas digire, xwedî welatparêziyeke nehejandî û berpirsyariya şoreşgerî ye, enternasyonalîst e, xwedî hişmendî ye, bi xwestek, bixîret, mûtewazî, egîdî û dirist e; bi fedayiyane beşdarî têkoşînê dibe, li hemberî her cure zoriyan li ber xwe dide, li hemberî gel rêzdar û li hemû qadên xebatê yên ku pêdiviya têkoşînê heye ji peywirgirtinê re amade ye.

Şervanên HPG’ê, gerîlayek têkoşîna rizgariya demokratîk a gelê kurd e. 

5- DI HPG’Ê DE, GIRTIN Û DERXISTINA ŞERVANAN  

a) Girtina Şervanan: Li gorî dilxwaziyê dibe. Yê ku ji bona wîjdana civakê û pîvanên exlaqî yê ferdê azad û demokratîk guncav be, kesê ku rewşa tenduristiyê ji bona gerîlatiyê dest dide; piştî perwerdehiyeke bingehîn, bi sondaxwarinê re, digirin refên artêşê. Şervanên ku beşdarî refên gerîla dibe, tê wateya ku rêvebernameya HPG’ê xwendiye û qebûl kiriye. Li gorî hukmên rêvebernameyê tevgerînê berpirs e.

b) Derxistin: Yên ku tarz û tempoya tevgera gerîla giran dikin, tenduristî û ji ber sedemên din nikaribin di yekîneyên leşkerî de bimînin, ji bilî xebatên leşkerî û di çarçoveya derfetan de li qadên cuda yên têkoşînê têne nirxandin. Yên ku bi qandî ku di HPG’ê de nemînin sûc kiribin jî têne avêtin.

Ji HPG’ê derxistin, bi erêkirina Fermandariya Biryargeha Navendî û Komîteya Parastina Gel dibe.  

6-SOND: Li hemberî her cure deshilatdarî û paşverûtiya xwecihî ya li ser gelê kurd, bi armanca jiyankirina paradîgmaya civakî ya demokratîk-ekolojîk û azadîxwaziya zayendî, ji bona çareseriya demokratîk a pirsgirêka netewî ya kurd, ji bona azadiya gelê kurd û biratiya hemû gelên cîhanê; bi hişmendiyeke demokratîk, bi baweriya serkeftinê û disîplîna cewherî, di bingeha xeta parastina rewa de, heta dilopa dawîn a xwîna xwe şer bikim û der heqê girêdana xwe ya Rêber Apo, gelê xwe, şehîdên şoreşê, ala xwe û çeka xwe; li ser rûmeta xwe ya mirovantiyê û şerefa xwe sond dixwim.  

7- PEYWIRÊN ENDAMÊN HPG’Ê:  

1- Pradîgmaya civaka demokratîk-ekolojîk û azadîxwaziya zayendî ya serokatiya me, ji bona bi cewherî fêmkirinê xebatkirin, ji bona talîmat û fermanên komûtayê pêk bînin hemû hêza xwe bikaranîn, li hember her cure desthilatdarî di bingeha xeta parastina rewa de birêvebirina têkoşîna demokratîk a gel û parastina mafên demokratîk ên netewî.

2- Xwe di warê îdeolojîk, polîtîk û leşkerî de perwerdekirin, rihê fedayî yê apocî di xwe de afirandin û jiyankirin, di xwe de şoreşa zihniyet û wîjdanê bi pêş ve birin.

3- Di bingeha parastina rewa de, paradîgmaya civaka demokratîk-ekolojîk û azadîxwaziya zayendî jiyanîkirin û bûyîna parastvanê qezencên têkoşînê û nirxên ku hatine afirandin.

4- Bi hişmendiya ekolojîk jiyankirin, bi zihniyeta hiyerarşîk a ku her cure serdestiyê di nava xwe de dihewîne re têkoşîn dayîn.

5- Li hemberî her cure faliyetên li dij xwezayê ku mirovan ji xwezayê dûrdixînin û zirar didin xwezayê têkoşîn dayîn û parastin û paqijgirtina hawirdoriyê.

6- Têgihîştina taqtîkên gerîla di bingeha zanistiya leşkerî û çandî de; vê yekê di pratîk û çalakiyan de, ji bo bi awayekî hîn profesyonel temsîlkirinê xebitandin.

7- Bi çalak beşdariya peywirên demê û faliyetên rojane; bi coş, bi wêrekî, bi fedekarî, bi disîplîn û bi biryar jiyankirin û têkoşîndayîn û dema xwe rast bikaranîn.

8- Pêkanînerek bê kêmasî ji bona jiyana demokratîk û komûnal û rêzikên rêvebernameyan; razên yekîneyê veşartî girtin; li hemberî her cure xeteriyên dijmin parastina yekîneyê; ji pêşketin û bûyeran agahdarkirina fermandarê xwe; girêdana hevalên xwe yên şer û li hember wan vekirîbûyîn,  li hemberî çewtiyan tavîznedayîn, di pêkanîna rexne û rexnedayînê de bi wêrekî hewldayîn. 

9- Parastina mal, can, rûmet û namûsa gel; rêzgiritina li hemberî gel; alîkariya gel; bi sazkirina têkiliyên baş qezenckirina baweriya gel û bi perwerdekirinê kişandina nava têkoşînê esas girtin.

10- Xwedîderketina rêhevalên şehîd û birîndar; rêhevalên xwe yên şehîd û birîndar li qada şer nehiştin.

11- Çeka xwe paqij girtin, cepxaneya xwe bi awayekî guncav bikaranîn; hemû alavên yekîneyê baş parastin û xwedî derketin.

12- Di her mijarê de alîkarî û moraldayîna rêhevalên xwe. 

8- MAFÊN ENDAMÊN HPG’Ê:

1- Di refên HPG’ê de hemû fermandar û şervan xwedî mafên wekhev in.

2- Xwedî mafên bikaranîna mafên demokratîk e, rexnekirin, xwe parastin û ji bona bikaranîna van mafan dikare serî li saziyên têkildar bide.

3- Di civîn û nîqaşên plankirina çalakiyan de xwedî mafê rexne pêşxistinê ye, nêrîndayîn, pêşniyarkirin û di biryaran de xwedî mafê dengdayînê ye.

4- Dikare rexne, nêrîn û planên xwe, ji fermandarên yekîne û yên hîn jortir re rabigihîne.

5- Di peywir û jiyanê de, ku bi disîplîn be, dikare bê xelatkirin.

6- Dikare ji bona pêşxistina xwe ya îdeolojîk, polîtik û leşkerî ji derfetên heyî yê perwerdehiyan sûd werbigire.

7- Di terfikirin û qademeyên artêşê de mafê xwe yê berpirsyarî girtinê heye.

8- Di rewşên birîndarbûnê de, li derveyî jiyana yekîneyê û derveyî şer mayînê de, dikare ji derfetên artêşê sûd werbigire û jiyana xwe berdewam bike.

9- Ji bona ku di nava têkoşînê de baştir xizmet raber bike, bi armanca pêşvebirina behreyên xwe yên ferdî, dikare ji derfetên heyî sûd werbigire.

10- Ji bona pêdiviyên malbata xwe li gorî derfetan, ji biryargeha ku girêdayî ye, mafê alîkarî xwestinê heye.

11- Şervanek li hemberî her cure bêmafiyan, di çarçoveya rêvebernameya darizandinê de xwedî mafê parastinê ye.