Dîrok û artêşbûna jinê bi têkoşîneke bêhempa hate afirandin. Jin hem di milê artêşbûnê de hem jî di milê rêxistinî de berhemên ku tu car pelên dîroka azadiyê de nayê tunekirin afirand. Ev bi bedelên mirovên dildar, keçên azad ê Rêber APO ve hate afirandin. Ked û hewleke mezin di vê dîrokê de veşartiye. Ev dîrok her dem zindî ye û bi pêşketinê nû ve xwe digîhîne roja me ya îro. Bîrdoziya jinê, nasnameya jinê xwe bi têkoşîna jinê ya bêhempa ve dide afirandin. Ev dîrokeke pir berfireh û kûr e. Bi taybetî ji bo gerîlayên jin ê PKK’ê, ji bo jinên kurd ezmûneke mezin derdixe holê. Bi vê dîrokê re jiyankirin, bi serweriya vê dîrokê ve tevgerîn, bi zanistiya vê dîrokê re beşdarbûna vê pêvajoyê girîng e. Ev dîrok û serpêhatî hê jî didome û her rojên ku derbas dibe, bi serkeftin û rastiyên xwe ve, ked û hewlên hezaran mirovên dildar ê azadiyê hildigire. Jin bi vê dîrokê ve derket dika dîrokê.

YJA STAR bingeha dîroka jinê ya ku bi hezaran sal e bi têkoşîneke bêhempa diherike, di naveroka xwe de hildigire û ev ezmûn û nirxên bêhempa bi têkoşîna roja me re dike yek. YJA STAR hêza parastina nirxên jinê ye. Parastina jinê di heman demê de parastina jiyan, azadî û parastina hemû bermahiyên dîrokê ye. Hilgirtina nirx û peywirên dîroka jinê ew qas ne hêsan e, erk û peywirên pir giran dide li ser milê têkoşerên jin. Nirxên mezin ê ku em niha wek bawerî û serwerî digirin dest bi vê dîrokê ve hate afirandin. Afirîna van nirxan ew qas ne hesan bû. Ev nirx bi êş û azarên pir mezin, bi têkoşîneke bêhempa bi rihê lehengî û berxwedaniyê ve hate afirandin. Di vê rêka têkoşînê de pir nirxên mezin û bedelên mezin hatin dayîn. Bi bedelên leheng, bi kedên bêhempa, bi azwerî û baweriya mezin ve dîroka azadiyê ya ku li benda raperînekî mezin û berbangeke rojê bû hate afirandin. Ji bo wê em niha dibêjin YJA STAR kombûna hemû nirxên jinê ye. Nasnama jin a ku xwe di xeta parastina rewa de rêxistin dike û hêza parastina hemû jinên azadîxwaz e. Rêxistina YJA STAR bi ked û xwîna hezaran keçên bedew hatî afirandin û rêxistineke nûnertiya azadiya jinê ye. Di vê bingehê de YJA STAR xwe rêxistin dike û bi rêve dibe. Wek rêhevalê agir û azadiyê Viyan dibêje “YJA STAR xwedawendbûna wêrekiyê ye” Li dijî hemû êrîşan xwe di xeta paratina rewa de rêxistin dike û têkoşîna xwe pêş bi dixwe.

Wek paşerojê de hatê dîtin di vê pêvajoya ku komployeke navnetewî li dijî serokatî û tevgera azadiyê pêşdikeve de jî wê jinên dildar ên azadiyê careke din bersivên pêwîst bidin. Tu êrîş nikare vê yekê paş bixe an jî berovajî bizivirîne. Pêvajo ji her tiştî zêdetir beşdarbûna xurt a têkoşînê dixwaze. Bi rihê azadiyê, bi serweriya têkoşînê bersiva van êrîşan dayîn û hêzên dagirker re “Wê jinên kurd çawa bijî, çawa têkoşîn dide meşandin” nîşandayîn pêwîst e. Ev jî yekîtiyeke rihî û ramanî dixwaze. Pêşengtiya jinê ji her pêvajoyê zêdetir di vê pêvajoyê de derxistina holê girîng e. Roj roja têkoşînê ye, roj roja xwedî derketina serokatî û nirxên têkoşînê ye. Êrîşên li dijî serokatî û tevgera me çiqas mezin bin jî, wê bersiva me jî ew qas tund û dijwar be. Dirûşmeya vê pêvajoyê “Êdî Bes e” ye. Bi vê dirûşmê ve ketina nav têkoşînê û hêrsa jinê ya li dijî êrîşan raber kirin, ji her pêvajoyê zêdetir pêwîst e.

Bi taybet keçên ciwan di vê pêvajoyê de pêwîst e bi hişyar tevbigerin. Bi her cureyên qirêj dixwazin keçên me yên ciwan ji rêka azadiyê qut bikin û ji hêza têkoşînê dûr bixin. Êrîşa herî mezin li dijî jin û keçên ciwan tê meşandin. Pêwîst e bersiveke wan jî hebe. Jiyaneke ew qas ketî de bê azadî jiyankirin ji mirinê xirabtir e. Belkî bi awayekî fîzîkî nakujin lewre di milê rihî, psîkolojîk, raman û di milê civakî de her roj keçên ciwan bi rêbazên mirinê ve rû bi rû tên. Pêwîst e ciwan nehêlin ku hêza wan a têkoşînê bê tunekirin. Mirin ew qas ne hêsan e, ger em bimirin, emê mirina xwe jî bi xwe diyar bikin. Di pergala niha de her ciyên ku ji jinê re tê vekirin de xefikeke mirinê heye. Kemîneke pir mezin li pêş keçên me yên ciwan heye. Ji bo vê jî zanebûn û xwe ji van kemînên şerên taybet xilaskirin pêwîst e. Dibêjin di vê cîhanê de tu warên ku keçên azad tê jiyan bikin nîn e, jin nikare bi azadiyê ve jiyan bike. Em dibêjin na. Warên me yê têkoşînê, ciyên me yê azadiyê heye. Çiyayên me bi hezaran sal bû ciyê xwedavenda azadiyê.

Rêka herî yekem ku em van êrîşan vala derbixin, bi her awahî beşdarbûna têkoşînê ye. Têkoşîneke pir dijwar pêşberî me ye. Weke jinên dildar pêwîst e beşdarbûn û bersiveke me jî hebe. Di vê cîhanê de encax jin dikare di çiya de azad jiyan bike û têbikoşe. Artêşa jina azad, nûnertî û pêşengiya vê yekê dike. Werin em bi hev re wek jin, wek keçên azad bi rihê hezaran dildarên jin ê azadiyê têbikoşin. Em ji her demê zêdetir bi hêztir in. Hêza me ya rêxistinî, nasname ya bîrdozî û artêşa me ya azadiyê heye. Jin bi van ve hişyar bû û wê bi van çekan ve bigîje azadiyê. Ji derveyê azadiyê tu jiyan ji bo jinê nabe hêzek. Keçên me pêwîst e xwe ji vê xefika mirinê xilas bikin. Pir cureyên rêbazên şerê taybet di dibistanan de, di ciyên kar de, di mal de, di kolanan de li dijî keçên kurd tê meşandin. Bi taybet jî li hember keçên ciwan. Pêwîst e helwesteke me hebe, pêwîst e bersiveke me li dijî van êrîşan hebe. Werin em bi hev re bersiveke tund bidin hêzên dagirker, hêzên ku dijminê jinê ne. Gerîlayên jin di vê têkoşînê de bi biryar in û tu êrîş nikare jinên azadîxwaz, keçên PKK’ê paş de bixe. Werin di vî şerê de em bi hev re bin…