Dewleta tirk bi tevahî saziyên xwe bi rojevên çêkirî û derewan dixapîne. Bi derewên xwe asîman qerisandin û bi xwe re zivistanê anîn. Lûtkeyên çiyayê Kurdistanê xwe spî xemilandin. Lê dema ku tu xwe berdidî quntarên çiyê, bi baranên dawîn re hewaya biharê heye. Bi van hestan her hevalek bi hêviya pêşerojeke azad û bi girêdana xwe, Roja giravan silav dikin. Ev silav, bi dirûşmên gelê me yê Wan, Êlih , Amed û gelê me yê li qadên re dibe yek. Bi fikirîna gelê me yê qedîm ku hatiye çewsandinê re; bi dirûşmên “PKK gel e, gel li vir e!” xewnên wan xera bûn.

Çapemeniya tirk, serê xwe girtiye û ji xwe ne haydar e ku ji Ûskûdarê derbas bûne. Li hember vê dîmena şerpeze, mirov encax bikene. Jixwe em dikenin jî. Ew qas bi derewên xwe, xwe qanî kirine ku, ew bixwe “errrikk!” dibêjin. Rewşa ku dewleta tirk ketiyê, mijarê pêkenokên Namik Kemal in. Di rojên dawîn de her çi hîkmet be, ji ber qezayan mirina leşkeran zêde bûye. Nebe ku ev term hê nû ji çemê Oramarê hatibin berhevkirin! Ka em vê meseleyê bidin aliyek, jixwe têrî xwe qehirîne. Em zêde neçin ser wan de. Fena ku nivîskarek digot; şibandina “cek” û “cak” re, dewleta tirk ew maye ku derê diaya baranê.

Niha ji nû ve hêvî bi derve re hatine girêdan. Bi nûçeyên dawîn ên girtinan, wê çend rojan sebra xwe bînin. Lê piştre! Ew bixwe ev 30 sal in bêsînor û bêrêgez xwe ji hêzên emperyalîst re bazar dikin û her carê destek jî girtin. Niha jî destek digirin. Ev rewşeke cuda nîn e ku? Fena ku parzemîna Emerîka ji nû ve keşf kirine. Qaşo Erdogan bi hevdîtina dawîn, hêzên başûrî û Emerîka girtiye cem xwe, ma wê ji te nepirsin? Jixwe ev bi salane ku tu li cem wan û hem jî di hemêza wan de nînbûyî? Ma ew Sofî Gulen ku hûn binê lingê wî dialêsin û we birêve dibe ne li wir e? Ma tu bi hêzên “Kurdistana Îlknûr Çevîk” re heta dawîn ne di nava têkiliyên aborî û terîqatî de yî?

Ji niha de rojnameyên tirk ku fena mesaya qeyranê ya genelkurmayê dixebitin, krokiyên piştî ku PKK tune bibe xêz dikin.
Ma çawa bû? Ka hûnê bihatana? Ka we yê wisa wisa lêbidana? Ji me gotin, ev lîstikxerakirine; dewleta tirk ji bona ku neyê başûr li hincetan digere û hêviya xwe li hêzên başûrî û Emerîka girê daye. Madem hûn ew qas di şer de bi bergir in, lêdanên ku we li bakurê Kurdistanê xwariye têrî we nake, werin em şer bikin? Belkî bi vê yekê kesên alfiroş û yên goran dikolin bêkar nemînin!..