Em dikevin salvegereke nû ya 15’ê Tebaxê. 15’ê Tebaxa ku 23 salên xwe tije dike. Dema ku em pêşwazî dikin, em vê rojê li gelê xwe, Rêber Apoyê ku em gihandine vê rojê silav dikin û di kesayeta Mehsum Korkmazê ku di afrandina 15’ê Tebaxê de xwedî kedekê û alîkariyeke mezin e em tevayî şehîdên xwe bi rêzdarî bi bîr tînin.

15’ê Tebaxê ku di dîroka gelê me de mîlad e, ez vê derê jî dixwazim dubare bikim. Ew mîlad e ku di dîroka gelê me de bûye pêngav û demeke nû daye despêkirin. Gelekî ku ber bi pêvajoya tunebûnê ve hatiye birin re bûye boneya vejînê û îro ew di nav mirovahiya cîhanê de aniye cihekî rêzdar, kiriye yek ji gelên berxwedêr û bi rûmet. Di 23 salên ku di paş de mane de ji vê rastiya bi tîpên zêrîn ku careke din neyê jêbirin di dîrokê de hatiye neqişkirin re şahidî kiriye.

Di salvegereke nû ya 15’ê Tebaxê de em di nav rastiya têkoşîneke bi heyecan de ne. Şert û mercên heyî ji çareseriya pirsgirêka kurd re, ji her demê behtir ku derfetan diafirîne, ev pêvajo gelek xeteriyên muhtemel jî di nav xwe de dihewîne. Têkoşîna azadî û demokrasiya kurd di her qadê de hebûna xwe didomîne û bandora xwe zêde dike. Têkoşîna girêdayî Parastina Rewa ku her diçe bêhtir berfireh dibe, wek ku Serfermandarê Giştî yê Tirkiyeyê jî bi neçarî pejirandiye, însiyatifê di destê xwe de digire. Alîkariya gel mîna aşîtê mezin bûye. Însiyatifa Herêmî derbasî destê hezên gel ên demokratîk bûye û deskeftên ku hatine bidestxistin qadên têkoşînê yên nû hatine afirandin. Li hember vê pêşveçûna têkoşîna azadî û demokrasiya kurd dijî, di siyaseta înkar û îmhayê de jî hîn tê israrkirin. Ev nêzîkatiya ku bi şêweyê neo-îttihatgiran gihiştiye îfadeyekê, ne tenê li hember Têkoşîna Azadiya Kurd, ji bo gelên herêmê û Tirkiyeyê jî xetereyên mezin diafirîne.

Bi vî rengî pêşketinên ku 15’ê Tebaxê jê re bûye sedem, şert û mercên ku çareseriya pirsgirêka kurd nêzîk dike afirandiye, li dijî vê yekê neo-îttihatgiran ku hatiye afirandin jî nîşan dide ku xetereyên mezin dê derkevin holê.

Ev dualîtiya ku di roja me de diqewime ji aliyekî ve dişibe şert û mercên pêkanîna 15’ê Tebaxê. Di wê demê de jî du hêzên dijber hatibûn hember hev. Îmha û înkara ku li ser kurdan tê ferzkirin, hêzên demokrasî û azadiyê berxwedan tenê wek riyekê pejirandibûn û 15’ê Tebaxê bûbû navê pêkanîna vê riyê.

Rastiya pêngava 15’ê Tebaxê ku bi şêweyeke bênîqaş rastî derxistiye holê, îro li hember dualîtiya ku heye divê riya bê şopandin çawa be nîşan dide. Ev jî li hember siyaseta înkar û îmhayê ku tê de tê israrkirin, rastiya ku derveyî berxwedaneke gelemperî tu rê nîn e nîşan daye.

15’ê Tebaxê bû bersiva berxwedana 14’ê Tîrmehê. 15’ê Tebaxê bû wateya bilindkirina berxwedana li serê çiyayên welatê me ya ku di zindanan de pêk hatibû. Di 15’ê Tebaxê de berxwedana ku ji zîndanan derbasî çiyan bû gelê me ji nû ve vejand. Di vir de rola kesayeta leşkerî û partiyîbûna Mahsum Korkmaz mezin e ku di kesayeta Rêber Apo de rastiya xwe dîtiye. Ev kesayet di cewherê xwe de kesayeta berxwedanê ye û temsîla Rêber Apo kiriye.

Di vê wateyê de komploya navneteweyî ku li hember Rêber Apo hat pêşxistin, ji bo ku milada nû ya gelê me ku bi 15’ê Tebaxê re ji dîrokê re vebûye, berevajî bikin, li ser bingeha vê xeta berxwedanê bişikênin hatiye pêşxistin.

Di 23’yemîn salvegera 15’ê Tebaxê de deskeftên me mezin in. Lê her tişt temam nebûye. Hîn hedefên ku divê bêne desxistin hene. Rêber Apo di bin esaretê de ye. Ji cîhanê hatiye tecrîtkirin û her roj di bin gefxwarina mirinê de tê girtin. Di destpêka van hedefan de ev yek tê ku jiyana Rêber Apo bê ewlekirin. Ev jî bi bilindkirina têkoşînê û serkeftinê ve gengaz e.

Şerekî gelemperî li ser gelê me tê ferzkirin. Li çiyayên welatê me şerekî dijwar tê meşandin. Dixwazin gelê me bi birçîbûnê terbiye bikin. Ev rewşeke şikandina rûmeta gelê me ye. Di hilbijartina pêşwext de, bi alîkariya artêş û dewletê ku AKP weke partiya yekemîn derket, li hember gelê me kirine berpirsyarê vî şerî û polîtîkaya ku tê meşandin. Vê jî bi sozên derew, mîkro krêdî û hestên olî yên ku dixwazin gelê me bi kar bînin û bigihîjin armanca xwe pêk bînin. Bi vî rengî dixwazin dewletê li ser gelê bînin rewşeke serdest.

Salvegereke nû ya 15’ê Tebaxê, li hember vî şerê gelemperî yê îmhayê em bi giyana berxwedaneke nû pêşwazî dikin. Çawa di pêngava 1984’an de ku pêk hat û pê re, kefenê ji bo gelê me hatibû dirûtin hat çirandin û giyaneke nû da destpêkirin, 23’yemîn salvegera 15’ê Tebaxê jî, ev polîtîkayên îmhayê yên nû ku hatine ferzkirin, bi têkoşîna gelemperî ya gelê me wê bê pûçkirin.

Li ser vê bingehê divê tev gelê me li her qadê 15’ê Tebaxê ji bo ku li gorî giyana vejînê pîroz bikin. Li hember vê polîtîkaya îmhayê ya nû ku hatiye ferzkirin, bang dikim ku berxwedanê bilind bikin. Bi van hest û ramanan cejna gelê me ya vejîna neteweyî pîroz dikim.