Heyacana hilbijartinê di asta bilind de ye. Gelê me li qadan sekna û girêdana xwe ya tevgera azadiyê ji nû ve îlan kirin. Em di têkoşîna azadiyê de hatin fetlonekeke dîrokî. Her çiqas sîstemên mêtînger, rê li ber her cure rêbazên hiqûqî û demokratîk girtibin jî, bergiriya hêzên demokratîk ên kurd di pêşengiya tevgera azadiyê de, vê qada têkoşînê vala nehiştin.

Ji ber qerekterê faşîzane yê sîstemê, piştî hilbijartinan û ketina mebûsên demokrat û şoreşger ên kurd û tirk, ji me re nefereke têkoşînê vedibe. Wisa dixuye ev qada nû, wê sîstemê tengav jî bike.
Li Tirkiyê bêyî artêşê pelekî jî nahêje. Dîsa rojevên siyasî û polîtîkayên netewî ji hêla wan ve tê diyarkirin. Piştî mûxtûrayan AKP hate hefsarkirin û mafekî din jî ji AKP’ê re hate dayîn. AKP û artêş li qirkirina kurdan li hev kirine. Ji hêla civaka Tirkiyê de jî jixwe pirsgirêk nîn e. Zihniyeta kerîbûnê her her didome. Lêpirsîn êdî bûye têgeheke li zabokan digevize. Gelê tirk ê esîl ku ew qas girêdayî azadiya xwe ye, mixabin îro ji ber bê pêşengîtiyê ji însafa komeke biçûk xwînmijên dewşirme re hatine hiştin.

Wê niha çi bibe. Pêşdarazî tiştek ne rast e, bes ji niha de mirov dikare bibîne ku wê ev meclîs, meclîseke şer be. Berî hilbijartinê hilbijartin pêk hatiye û biryar hatine dayîn. Hemû rojevên li pişt deriyan, li ser tunekirin û jiholêrakirina tevgra azadiyê ye.

Serokatiya me di hevdîtinên xwe yên dawîn de, diyar kir ku piştî hilbijartinê gav neyê avêtin, ewê xwe bi paş ve vekişîne û gerîla bixwe biryara xwe bide. Ev serê mehekê ye ku gerîla tu çalakî li paş nexistiye. Tenê di çarçoveya parastina rewa de, dema ku dijmin dertê operasyonan û tê ser gerîla de, wê demê mafê bersivdayînê bikar tîne. Herî dawîn dijmin li çiyayê Kato Jîrka heta noqteyên hevalên me operasyon lidarxist. Piştî berxwedaniyeke mezin a gerîlayên me, artêşa tirk li Kato Jîrka telef bû û 13 leşkerê mirî li pey xwe hişt û ji qadê derket. Wê ev sekna me ya xweparastinê, heta çend hefte piştî hilbijartinê jî bidome. Jixwe ji bona helwesta dijimin bê fêmkirin, ne hewceye bi mehan û bi salan bê sekinandin. Wê çend rojên destpêkê, ji bona fêmkirinê bibe nimûneyek.

Rasteqîniya ku divê ji hêla her derdorî ve bê fêmkirin ev e ; tevgera me ya leşkerî û xebatên siyasî bi rewşa serokatiya me ve girêdayî ye. Ew hêza me heye ku em rojeva dinê biqulibînin û li Kurdistanê derbeyên giran li dijmin bidin. Piştî di sîstema KCK’ê de gavên nû hatin avêtin û zelalî pêk hatin, tevgera azadiyê ji her demê bêtir yekvûcûd e û cengeke bêeman re amade ye.

Wê demê ewê vê pêvajoyê hetanî ku hilbijartin zelal bibe û nêzîkahiyên hikûmetê belî bibe bidome. Me destpêkê got, bi vê hilbijartinê her tişt çareser nabe, bes ku hejmarek baş bişînin meclîsê wê ev qad jî bibe qada têkoşînê. Heta ev diyar bibe wê gerîla di rewşa parastina rewa de be. Dema ku tunehesibandin û tunekirin bidome, wê asta şer bi tevahî bê bilindkirin. Wê gerîla hesabên giran ji derdorên ku li Kurdistanê û Tirkiyê şerê qirêj kûr dikin bipirse.

Ji ber vê yekê ku çend roj hilbijartinan re maye, ne divê em hilbijartinê wekî her tişt bibînin û binepixînin û divê ne jî biçûk bibînin.