Serokê genelkûrmay dibêje; “raye bide ez bikevimê” Serokwezîr dibêje; “bi nivîskî bixwaze ez bidim” Bi vî awayî operasyona dersînorî binax dibe. Di navbera nîqaşên operasyon bibe nebe de, çalakiyên gerîla mohra xwe li pêvajoyê dixe.

Wisa dixuye wê nîqaşeke mesele derveyî sînor e an hundirê sînor e zêde bibe. Jixwe bi operasyonên ku bi mehan berê destpêkiribûn, Kurdistan veguheziyaye qada şer. Wê gerîla hatine tasfiyerkirn, lê nebû. Di ser de jî bi lêdanê zêdetir lêda. Bi edebiyata derveyî sînor, hewldana têkçûna leşkerî ya ku tê jiyandin tê veşartine.

Serokwezîr “bi lêdana def û zirnê” dibêje nabe. Her dixwaze li ber lêdana tembûr û orkestrayê bibe.

Di demên dawîn de, Bûyûkanit axaftinên êvaran ji xwe re kiriye kurm. Ji 27’ê avrêlê vir ve, ev wisa ye.

Kesayetiya Bûyûkanit, hêjayî nirxandinê ye. Êdî vê yekê wê Bakirkoy bike an Elezîz bike em nizanin, lê divê teqez bê kirin.

Têxistina bin kontrolê, wê ji bona tenduristiya gel baş bibe.

Hinek endamên çapemeniyê ku bi apolet in; bi gotina “Paşayê min em li pey te en” bi tempo dinivîsin û xêz dikin. Di rastiyê de dibe ku têgehîkirinek ku rê li ber şaş fêmkirinan veke, lê wehameta rewşa datîne holê.

Ka em werin ser derveyî sînor; em ferz bikin ku Bûyûkanit xwest û Erdogan jî da. Piştre jî bi wîlewîle “Halla hallayê” bi sed hezaran mehmedcîk ji sînor derbas bû. Baş e, çi li benda mehmedcîk e?

Ev 25 sal in gerîla tiştek mîna sînor nehiştiye. Jixwe bi hezaran gerîla çeperên xwe girtine. C-4, A-4, TNT, havan, uçaksavar, fûze, roketavêj û “firokeyên” Çîllerê jî pê re be, divê matmayî nemînin.
Divê mirov hema nebêje derveyî sînor û derbas nebe. Çi heye çi tune. Yên ku dizanin, dizanin. Divê mirov ji pîlotê firokeya ku herî dawîn li Çelê ket bipirse –ku ew jî jiyan bike- Tabî di vê navberê de li derveyî sînor hinek yekîneyên ku bi cî bûne hene, divê mirov derûniya wan jî bifikire. Li derdora navendên mîna Bamernî, Kanîmasî û Amediyê ne. Baş tê zanîn ku, der heqê wan de her cure îstîxbarat hatiye kirin, tê zanîn ku bê xwestin wê bi tevahî ji holê bêne rakirin.

Belê, divê hinek ji serokê genelkûrmay re bêjin bes e. Berevajî vê yekê ji bona ku mirov tiştên ku biqewimin bizanibe, ne pêwîst e mirov kahîn be. Bendewariya xwe ya “berteka girseyî” tîne ziman. Wisa tê fêmkirin ku, jê re Zelandayiyên Nû jî kêm hatiye.

Bi ya me dawiya rê xuya kir. Derûdor bi toz û xubar e. Wisa dixuye ku wê zêdetir tevlihev bibe. Wê berpirs kî be? Her hal hatiye fêmkirin.