AGAHIYÊN BERFIREH ÊN SERDEGIRTINA QEREQOLA BEZELÊ!

Ji rayagiştî û çapemeniyê re;

1- Di 8'ê gulanê de ji hêla hêzên gerîlayên me ve Qereqola Bezelê û derdora wê hatiye dorpêçkirin. Di 9'ê gulanê de jî, ji bona bîranîna şehîdên baharê û Endamê Konseya Leşkerî yê HPG'ê Adil Amed li hember qereqola Bezelê ku 100 ji wan qomando bi tevahî 250 leşker lê ne, êvarî saet di 6.30'an de hedef hatiye girtin û çalakiyeke di salên dawîn da ya herî mezin hatiye lidar xistin. Di çalakiyê de beşek mezin qereqol ji holê tê rakirin, 4 avahiyên qereqolê, cebilxane û 7 kon şewitîne. Di cebilxaneya ku şewat girtiye de, heta danê sibeyî teqîn pêk hatine. Wekî din 6 maşînên leşkerî û dozerek jî, ku li hewşa qereqolê bûne jî bi tevahî ji holê hatine rakirin. 

Di kêliyên ku çalakî li dar dikeve, di heman demê de girê qereqolê û girê Sîlo ji hêla gerîlayên me ve hedef tê girtin û gelek çeperên dijmin ji holê tê rakirin. Di çalakiyê de bi dîtina çav hatiye tespîtkirin ku 29 leşker hatine kuştin û 11 leşker jî birîndar bûne.

Piştî serdegirtinê dijminê ku nikare di bejahiyê de mûdaxale bike, bi obûs û balafirên şer qadê bombebaran dike.

Di çalakiyê de gerîlayên me yên bi navê Zagros û Masîro şehîd ketine û gerîlayek me jî bi sivikî birîndar dibe. Der barê agahiyên hevalên me yên şehîd de, emê sibeyî daxuyanî bidin gelê xwe.

2- Duh bi şev saat di 9.30'an de ji hêla balafirên şer ên artêşa tirk ve li nêzî gundê Zînewa ku girêdayî Çiyayê Spî ye û hêzên gerîlayên me lê nîn in, hatiye bombebarankirin. Di êrîşa hewayî de mal û zeviyên gundiyan zirar dîtine.

3- Di 8'ê gulanê de du gundiyên ji Zaxoyê ku yek ji wan ji eşîra Micolî Adil Xwestî û ji eşîra Sindî Selîm Bercef, dema ku li qada Sinaht nêçîrvanî dikin, ji hêla leşkerên tirk ên li ser sînor in hatine kuştin. Bi mebesta ku her du gerîla ne, cenazeyên wan birine navenda Şirnexê û piştre dîsa li qada Sinahtê cenezayan avêtine erazî.