DI ÇALAKIYÊN LI AMED Û ÇIYAYÊ CUDÎ DE, 6 LEŞKERÊN DIJMIN HATIN KUŞTIN!

Ji rayagiştî û çapemeniyê re;

1- Di 28’ê adarê de ji hêla hêzên taybet ên artêşa tirk ve, li hember qadên Pirêjman, Gorse û Şehîd Zinar ku girêdayî herêma Şehîd Remzî ya Eyaleta Amedê ne operasyon hatiye destpêkirin. Di operasyonê de milekî operasyonê dikeve bin kontrola gerîlayên me û ji hêla gerîlayên me ve di 29’ê adarê de êvarî saet di 5.00’an de, li Girê Zinar çalakiyek li dar dikeve. Di çalakiyê de 4 leşkerên dijmin têne kuştin û 3 leşker jî birîndar dibin. Piştî çalakiyê heman şevê dijmin bi piştgiriya firokeyên kobrayan bi firokeyên skorskyan mirî û birîndarên xwe radikin û xwe ji qadê bi paş ve vedikişînin.

2- Di 29’ê adarê de ji hêla artêşa tirk ve li hember çiyayê Cudî operasyon hatiye lidar xistin. Di dema operasyonê de, hêzên gerîlayên me li hember yekîneyeke dijmin ku li qada Çele Rêşê bi cî bûne, bi şev saet di 1.30’an de çalakiyeke xweberdanê(sızma) hatiye lidarxistin. Di çalakiyê de 2 leşkerên dijmin têne kuştin û piştî çalakiyê roja din bi roj hêzên dijmin xwe ji qadê vedikişînin.

3- Ji hêla artêşa tirk ve li girên di navbera gundên Şîve Sor û Besta Belaka ku girêdayî navçeya Silopiya Şirnexê ne, sê tanq hatine bi cî kirin û bi heman rengî Tengava Deriyê Spî ku di navbera qadên Deriyê Gabar û Besta ku girêdayî çiyayê Gabarê ne, hêzên dijmin mayînde bi cî bûne.

4- Di 28’ê adarê de ji hêla artêşa tirk ve li hember Eyaleta Zagrosê êrîşeke hewayî hatibû lidar xistin. Der barê vê êrîşa hewayî de ji hêla rayedarên Serfermandariya tirk ve bi senaryoyên şer ên derewîn tê îdeakirin ku keşf hatine kirin û di bombebaranan de 15 gerîlayên me şehîd ketine. Nûçeyên bi vî rengî derew in, ji hêla mesayên şer ên taybet têne amadekirin ve bi armanca meşandina şerê psîkolojîk têne belavkirin.