ARTÊŞA TIRK KU DEST BI OPERASYONA BEJAHÎ KIR LÊDANEKE MEZIN XWAR: LI QADA ÇIYA REŞÊ 22 LEŞKER HATIN KUŞTIN!

Ji çapemenî û rayagiştî re;

Di 22’yê sibatê de artêşa tirk ji xeta sînor a Sêvê û Herokol de, di bejahiyê de kete qada Çiya reş ku girêdayî navçeya Çelê ya ku li ser Colemêrgê ye. Di ketina qada Çiya Reş de ji hêla gerîlayên me ve çalakî hatiye lidarxistin û di çalakiyê de 22 leşkerên tirk hatin kuştin û ji dehan zêdetir jî leşker birîndar bûn. Tevgerîbûna li qadê hê jî didome.

Dîsa di 21’ê Sibatê de ji hêla balafirên şer ên artêşa tirk ve saat di navbera 11.45-3.00’yan de li hember eyaleta Zagros, Behdînan û Zapê êrîşeke gûr a hewayî hate lidar xistin. Piştî êrîşa hewayî qada heta danê êvarî bi havan, katûşa û obûsan hate lêdan. Îro jî cî bi cî êrîşa hewayî û avêtina katûşayan berdewam kir. Di êrîşên hewayî de tu windahiyên gerîlayên me nîn in.

Wekî din tevgeriya leşkerî ya artêşa tirk li Şemzînanê didome û bi hezaran leşker li qada Gerdiya ku girêdayî eyaleta Zagrosê ye hatine bicîkirin. Dîsa li heman eyaletê li qada Bêsosinê operasyoneke bejahî hatiye destpêkirin û hê jî didome.