ARTÊŞA TIRK LI GABARÊ DÎSA WINDAHÎ DA: HERÎ HINDIK 8 LEŞKER HATIN KUŞTIN!

Ji rayagiştî û çapemeniyê re;

1- Di 25'ê cotmehê de ji hêla hêzên artêşa tirk ve li hember qada Findiqê ku girêdayî Gabarê ye operasyon hatiye destpêkirin. Di operasyonê de li girê Suvadiyeyê di navbera artêşa tirk û hêzên gerîlayên me de pevçûn derketiye. Di pevçûna ku mirî û birîndar nehatine zelalkirin de, di 27'ê cotmehê de hêzên gerîlayên me milekî operasyonê hedef girtine û di encama çalakiya êrîşî de 6 leşker hatine kuştin û gelek leşker jî birîndar bûne. Piştî çalakiyê artêşa tirk mirî û birîndarên xwe bi 3 firokeyên skorsky rakirine.

2- Di 25'ê cotmehê de ji hêla artêşa tirk ve li gundê Şîraz û derdora wê ku girêdayî Bîtlîsê ye, operasyon hatiye destpêkirin. Di saetên şevê de milekî operasyonê ji hêla hêzên gerîlayên me ve hedef hatine girtin û di encamê de gelek windahiyên artêşê çêbûne, bes agahiyeke zelal neketiye destê me.

3- Di 26'ê cotmehê de artêşa tirk li qadên Kurekan, Şîşemzînan û Astengê ku girêdayî Gevera Colemêrgê ne operasyon daye destpêkirin. Di heman wextî de artêşa îranî jî li qada Astengê operasyon daye destpêkirin. Li her sê qadan operasyonên heyî hê jî didomin.