LI ÇEWLIK Û DERSÎMÊ OPERASYON!

Ji rayagiştî û çapemeniyê re;

1- Di 19’ê cotmehê de ji hêla hêzên artêşa dagirker a tirk ve li hember qadên derdora Karataş û Kalecîkê operasyoneke bi desteka hewayî hatiye destpêkirin. Operasyona navborî heman rojê xwe bi paş ve vekişandiye.

2- Di 19’ê cotmehê de ji hêla gerîlayên me ve yekîneyeke leşkerî ku li nêzî Banê ku girêdayÎ navçeya Dara Hênê ya Çewlikê ye, çalakî hatiye lidarxistin. Di çalakiya ku agahiyên zelal neketine destê me de, piştî çalakiyê ji hêla hêzên artêşa dagirker a tirk ve li qada Akdağê operasyoneke ku hê jî didome hatiye destpêkirin.

3- Ji hêla hêzên artêşa dagirker a tirk ve li qadên Şemzînan, Gever, Çelê û Qilabana Şirnexê, li ser xeta sînor sewqiyata leşkerî tê kirin.

4- Di 18’ê cotmehê de ji hêla hêzên artêşa dagirker a tirk ve li hember qada Dorşîn ku girêdayî Eyaleta Garzanê ye operasyon hatiye destpêkirin û leşkerên artêşa tirk li girê Torosê bi cî bûne.