Di demên dawîn de pirsgirêka dersînorî ku di rojevê de ye, çavkana wê ne başûrê Kurdistanê ye, Enqere ye. Divê hikûmeta AKP’ê dev êrîşên xwe yên li ser gelê kurd û saziyên wê bedre. Nexwe wê li Kurdistanê teşkîlatên AKP’ê û CHP’ê hedef bêne girtin.

Çiyayê Gabarê, şanaz û îftîhara gelê kurd e. Çiyayê Gabarê ciyê egîda ye, çiyayekî wisa ye ku, digel artêşa tirk bi deh hezaran leşkerê xwe bi cî kiriye jî nikare serdest bibe û her roj windahiyan dide. Em gerîlayên me yên ku çalakiya Gabarê lidar xistine silav dikin. Hemû çiyayên Kurdistanê, ji Agirî bigire heta Mûnzûr, Sîser û Andokan, hemû ciyên ku hêviyên gelê me berz dibine. Ev çend salên dawîn e nêrînên fena ku gerîlayên me zeîf ketine, hêza xwe ya şer winda kirine û ji bilî bombe avêtinê ji rû bi rû şerkirinê direvin têne kirin. Hal ev e ku çalakiya li Gabarê biroj hate kirin, ne bi şev bû. Çalakî li ciyekî wisa çêbû ku, ji biharê de tabûr hatine bi cî kirin. Ev çalakî careke din nîşan da ku, hemû propagandayên ku devleta tirk dike derew in. Gerîlayên me her dem, şert û merc çi dibin bila bibin, xwedî vê hêzê ye ku li dijmin bixe. Ev çalakî di warê leşkerî de vê nîşan da. Ev selmandina serdestiya şer û taqtîkên gerîla ne. Di qada şer de yê ku xwedî însiyatîf e gerîla ye. Ev çalakî jî nîşaneya vê ye. Ev çalakî, çalakiyeke serkeftî ye. Êdî artêşa tirk nikare windahiyên xwe biveşêre. Hemû windahiyên xwe nebêje jî, 13 heban îtîraf kir. Lê gerîla ne tenê ev çalakî lidar xistiye. Di bîlançoya me ya şer a meha rezberê de, me diyar kiribû 177 leşker hatine kuştin. Di daxuyaniyên artêşê de, belkî 10 ji wan nehate dayîn. Ew windahiyên xwe diveşêrin.

Çalakiya dawîn lêdaneke mezin bû. Sedema ku nikaribûn windahiyên xwe biveşêrin û ew qas tofan rakirin, armanc ev bû ku li ser gelê kurd û DTP’ê zextan bikin. Wekî din hewl didin ku li ser Emerîka û hikûmet Başûrê Kurdistanê çewsandinan bikin. Vê dikin hinceta ku zêdetir herin ser gelê me de û belkî armanc ev e ku êrîş bibin ser gelê me yê başûr. Di hêleke din ve kuştina 12 kesan a li Beytûşebabê heye. Ji bona ku ser vê komkujiyê bigirin, ew qas wîlewîl tê kirin. Ji bona ku ser vê bûyerê bigirin, ew qas rojev cuda derdixin pêş. Baş tê zanîn ku ev bûyer ji hêla kê ve hatiye kirin. Ma em çima wisa gelê xwe hedef bigirin.

Di dema hikûmeta AKP’ê de çewsandin û operasyon zêdetir bûne. Piştî hilbijartinan rûyê rastîn ê AKP’ê derketiye holê. Berî hilbijartinan, hewl dan peyama “di rastiyê me dixwest em gav bavêjin, lê hêza me têr nake” bidin û bi vî awayî rayên gelê kurd girtin. Ji ber vê sedemê li mijara AKP’ê de, hêviya gelê kurd hebû. Lê piştî ku di hilbijartinê de rayên gelê kurd girtin, mebesta xwe ya rastîn nîşan dan. Hikûmeta AKP’ê, hikûmeta şerê taybet e. Wekî tê dîtin, her roj li hember tevgera me êrîşan dikin. Li hember artêşa tirk hemû astengî hatin rakirin. Ji bona hêzên qaşo yên ewlekariyê jî heman tişt hatin kirin û her roj operasyon dikin.

Ev çalakiya dawîn, ji nû ve li dij başûrê Kurdistanê têxist rojevê. Hewl didin ku her kesî bixapînin. Çavkana vî şerî bakurê Kurdistanê ye. Dibêjin ku ji bona ku çûyîna hêzên li Gabarê derbasî başûrê Kurdistanê nebin, top têne avêtin. Ev rast nîne, gerîla beravajî vê berê xwe daye Dersîmê, Amanosê û ciyên dîtir ên bakur. Li hemberî êrîşên dewleta tirk, gerîla bi her rengî xwe bi cî dike.

Ji mirina leşkeran hikûmeta AKP’ê û artêşa tirk berpirs e. Ji gelê tirk re, bi taybet ji malbatên leşkeran re bang dikim. Di vî şerî de zarokên xizan û yên Kurdistanî didin pêş. Zarokên rayederan tirkan jî li Emerîka dixwînin û dawetên xwe de gelek pere dirijînin. Her dema ku artêşa tirk dikeve tengasiyê û li bakur lêdanên giran dixwe, başûr hedef nîşan didin. Niha di destê wan de tenê ev hincet maye. Ku ev jî ji dest derê wê çi bikin?

Tê zanîn ku artêşa tirk ji 24 operasyonên ku lidar xistiye tu encam negirtiye. Encax armanc bi operasyonekê de li me xistin nîn e. Jixwe rayedarên tirk hatine vê qonaxê ku, vê rewşê qebûl dikin. Dixwazin zextan li ser başûrê Kurdistanê bikin. Hewl didin ku bandora tevgera me kêm bikin. Di qada leşkerî de baş dizanin ku nikarin li ser bisekinin. Di operasyonên berê de, piştgiriya kurdên başûr, emerîkî û desteka gelekan hebû, lê encam negirtin. Ma wê niha çawa encam bigirin? Halbûkî rewma ji berê baştir e. Nayê daberhevkirinê jî.

Ji ber ku dewleta tirk li hember li bin ketiye, delûdîn bûne. Mîna salên 90’î terorê dibalivîni. Berpirsê vanan AKP bixwe ye. Sedema çewsandinên li ser gel, berpirsê siyasî AKP’e ye û ev wê bêbersiv nemîne. Ku kurd û saziyên kurdan hedef bêne girtin, bila AKP bizanibe ku li Kurdistanê yên wan jî, yên CHP’ê jî û saziyên dewletê jî hene, wê van êrîşan bê bersiv nemîne. Îro dirûtiya AKP’ê deşîfre bû û gel vê dît.

Îlker Başbûg di daxuyaniya xwe ya li Amedê de, aniya ziman ku ev 20 sal in dewleta tirk li ser ciwanên kurd polîtiyan dike. Tilyak û eroîn di bin kontrala polîsan de hatiye kirin. Li bajarên kurdan fihûş bi destê wan tê birêve birin. Di bin navê perwerdehiyê de dibistanên Hîzbûlahê hene. Heta niha polîtîkayên dewletê encam negirtine û wê negire jî. Dewlet li ser ciwanan konsepteke taybet pêk tîne. Bi destê wezîrê perwerdehiyê Hûseyîn Çelîk û waliyan ev polîtîkayê taybet pêk tên. Bersiva herî baş a ku ciwanên kurd bidin, beşdariya gerîla ye. Jixwe riyeke din jî nehatiye hiştin. Divê gel bê helwest nemînin û bêçare nîn in. Ciwan ne mecbûr in vê siyasetê, vê terora dewletê qebûl bikin. Divê helwesta xwe zelal bikin.

Ez bang li malabatên kurd dikim. Fena ku generalên tirk dibêjin, bila ji wan bawer nekin. Ku dibêjin li zarokên xwedî derên, zarokên xwe tevlî gerîla bikin. Dibe ku hinek malbat ji bona zarokên wan nebin gerîla an nemirin, zarokên xwe dişînin leşkeriyê. Lê bila bizanibin ku wê zarokên bi saxlemî nazivirin. Malbateke bi rûmet, divê zarokên xwe radestî artêşa tirk nekin. Ji ber vê yekê divê neyên vê lîstikê.

Rewşa serokatiya me ji bona me esas e. Em bang dikin ku hemû kurdên parçeyên Kurdistanê li Rêber Apo xwedî derkevin. Hêzên mêtînger demên xwe yên herî lewaz jiyan dikin û ji ber vê yekê divê bi çar destî têkoşînê hemêz bikin. Divê ciwanên kurd, bi awayekî xurt xwe beşdarî vê pêvajoyê bikin û van lîstikan vala derxînin.

Artêşa tirk ji ber van tengavbûnan, şerekî qirêj birêve dibin. Her cure rê û rêbazî ji xwe re maf dibînin. Bi bombeyên mîsketan ku di şer de bikartînin, sûcê şer dikin. Ji bona vê rewşê em banga pejinkariyê dikin ku saziyên navnetewî dikin. Ji Zaxoyê heta sînorên Îranê, gelek qadan bombe dikin. Bombeyên mîsketan ketine zeviyê gel jî. Divê hikûmeta başûrê Kurdistanê di vê mijarê de berteka xwe bi hişkî nîşan bide. Ev mîsketên ku li dij peymana Cenevreyê ye, avêtine gelek herêman. Em bang dikin ku, civakên navnetewî û saziyên mafên mirovan li ser vê bisekinin.

Nivîskarê kurd Mehmed Uzun, şehîdê demokrasiyê ye. Em ji malbata Mehmed Uzun re û ji gelê kurd re sersaxî dixwazin. Wî hemû jiyana xwe, ji bona ziman û wêjeya kurdan da. Kesekî welatparêz bû. Yê me jî hemû têkoşîna me, fena romaneke zîndî ye. Di vê hêlê de, em wekî tevger wê wekî şehîdê demokrasî û azadiyê dinirxînin û girêdana xwe ya şehîdan tînin ziman. Wekî din em cejna Remezanê pîroz dikin û hêvî dikin bibe wesîla aştî û azadiyê.