DI DEMÊN DAWÎN DE PIŞTÎ PÊLÊN ŞOVENÎST, LI QEREQOLA MÛSEKAYÊ DI NAVBERA LEŞKERÊN KURD Û TIRK DE ŞER DERKET!

Ji rayagiştî û çapemeniyê re;

1- Di 11’ê cotmehê de konveyeke leşkerî ya artêşa tirk ku dema ku hewl didin derên operasyonê, konvoy ji hêla gerîlayên me ve hedef hatiye girtin. Di çalakiyê de panzerek ji holê hatiye rakirin û ji leşkerên di nav de yek hatiye kuştin û astsûbayek, çawişek pispor û leşkerek jî birîndar bûne. Piştî çalakiyê riya Mêrdîn-Kerboranê ji çûn û hatinê re hatiye girtin û operasyona ku destpêkiriye hê jî didome.

2- Di 10’ê cotmehê de, di demên dawîn de piştî pêlên şovenîst ên dewleta tirk û hemû saziyên xwe, li qereqola Mûsekayê ku girêdayî qada Gerdiyaya Şemzînana Colemêrgê ye, di navbera leşkerên kurd û tirk de nîqaş derketiye û piştî nîqaşê şer pevçûn derketiye. Di pevçûnê de leşkerek kurd ku navê wê hê ne diyar e hatiye kuştin û leşkerên bi navê Mustafa Ertunç ku ji Îzmîrê ye û Nûman Ûçyonca ku ji Samsûnê ye jî birîndar bûne.

3- Ji 9’ê cotmehê vir ve ji hêla hêzên artêşa tirk ve çiyayê Gabarê û bejahiya wê bi balafirên şer bênavber tê bombebarankirin.