ENDAMÊ JÎTEMÊ ÎDRÎS OZER KU DI BERNAMEYA BI NAVÊ "LÎSTIKA JAHRÊ" DE NAVÊ WÎ DERBAS DIBE, JI HÊLA GERÎLAYÊN ME YÊN BAJÊR VE HATE GIRTIN!

Ji rayagiştî û çapemeniyê re;

Ev serê hefteyeke ku di çapemeniyê de bernameyeke bi navê “Lîstika Jahrê” hem ji hêla gelê me ve hem jî ji hêla çapemeniyê ve tê şopandin û nîqaşkirin. Sîxurên ku ji hêla komîsyonên me ve hatin lêpirsînkirin, îfadeyan dan. Di îtîrafan de hate destnîşankirin ku ji hêla JÎTEM’ê ve ketine dafikê, ew bi zorê kirine sîxur, piştre jî ji bona peywirê ew şandine qadên ku di bin denetima gerîlayên me de ne.

Di van îtîrafan de keçeke bi navê Derya Ege dide diyar kirin ku ji hêla endamê JÎTEM’ê Îdrîs Ozer ve ketiye dafikê, îşkence dîtiye û destdirêjahî li hember çêbûye. Li ser vê yekê gerîlayên me yên bajêr kesê bi navê Îdrîs Ozer girtin û ji bona lêpirsînê anîn Herêmên Parastina Medya. Kesê bi navê Îdrîs Ozer di salên 2004-2005’an de di bûyera Şemzînanê de bi kesê bi navê Alî Kaya re xebitiye, ku der barê Alî Kaya de wê demê ji hêla serfermandarê tirk ê wê demê ve şibandina “zarokên baş” hatibû kirin. Der barê vê mijarê de emê di demeke nêzik de ji gel û rayagiştî re daxuyaniyeke berfireh bidin.