KU LI ÇIYAYÊN KATOYÊ DESTANA LEHENGIYÊ HATE NIVÎNDAN!
LI DERSîMÊ JÎ 7 LEŞKER HATIN KUŞTIN!

Ji rayagiştî û çapemeniyê re;

1- Di 13’ê rezberê de ji hêla hêzên artêşa tirk ve li Zozanên Colemêrg, Kato Marînos, Kato Qavalê û li Zozanên Şirnex Beytûşebabê (Taştemêrg, Meydankolî, Girê Ezmana, Sirtên Nismo) û li tevahiya Kato Jîrkayê operasyon hatibû destpêkirin. Di vê operasyonê de ji 20 hezar zêdetir leşker ji Şirnex, Colemêrg û Sêtê beşdar bûna, ji bilî van hêzan cahşên Hosyan û Jîrkî jî beşdarî operasyonê bûbûn û herî kêm 29 leşker hatibûn kuştin û 33 leşker jî birîndar bûbû. Di vî şerê ku 13 rojan berdewam kiriye de hevalên me yên bi navê Nûda KARKER (Nazan BAYRAM), Dr. Nûjîn Akdag (Sabîne FRIEDMANN KAYALAR), Goran Çarçel (Hamît Bayram), Bahtiyar Amed (Zekî GOKBERK), Serhat Colemêrg (Hakan TURGUT), Kahraman Hogir (Adnan Mamo), Şemseddîn Jiyan (Esat GULER), Diyar Şahîn (Fehîm SÛLEYMAN) û Serdar Çarçel (Îhsan Tekeş) bi lehengî li ber xwe dane û gihîştine şehadetê.

2- Di 25’ê rezberê de ji hêla artêşa tirk ve li derdora qereqola Paq (Kocakoç) ku girêdayî navenda Dersîmê ye operasyon destpêkiriye û di operasyonê de yekîneyeke leşkerî ku dewriye digere ji gerîlayên me ve bi roj saet di 10.50’an de ji hêla gerîlayên me yên YJA-STAR’ê ve kemîn hatiye avêtin û di kemînê de yek ji wan astsûbay bi tevahî 7 leşker hatine kuştin û 2 leşker jî birîndar bûne. Piştî çalakiyê gerîlayên me bi awayekî ewle gihîştine yekîneyên xwe.

NÛDA KARKER

Rêheval Nûda ku di sala 1992’an de beşdarî refên azadiyê bûye, bi dorê li Zagrosan, Rojhilata Navîn, Ewropa û li Qendîlê rêveberî kiriye. Herî dawîn di sala 2003-2004’an de li hember hewldan û êrîşên noker û tesfiyekaran, bi awayekî çalak bû xwedî helwest. Di xeta Rêber Apo de û di xwedî derketina nirxan de dizanibû ku jiyanî bike. Ji nû ve avabûna PKK’ê de cî girt û di asta bilind de li hember tesfiyekaran sekinî. Rêheval Nûda ji bona meclîsa PKK’ê û endamtiya konseya rêveberiyê ya KKK’ê hate hilbijartin. Di pêngava 1’ê Hezîranê de çalak cî girt û bi pêşniyara xwe derbasî HPG bû û di konferansa 4’emîn ya HPG’ê de wekî endama meclîsê hate hilbijartin. Wekî din di rêveberiya PJA û di rêveberina KJB’ê de cî girt.