LI HÊLA RIYA ŞEMZÎNAN-GERDIYAYÊ FIROKEYEKE SKORSKY LÊDAN XWAR!

PEVÇÛNÊN LI MAVA, HESKÎF Û KERBORANÊ DIDOMIN!

Ji rayagiştî û çapemeniyê re;

1- Di 18'ê rezberê de ji hêla hêzên artêşa tirk ve li qadên Gerdiya û Şemzînanê bi roj saet di 2'yan de operasyonek destpêkiriye. Di operasyonê de firokeyeke skorsky ku sewqiyata leşkerî dike, ji hêla gerîlayên me ve hedef hatiye girtin û lêdan xwariye. Firokeya ku lêdan xwariye, li nêzî riya Şemzînan-Gerdiyayê bi neçarî daketiye û ev rê ji çûn û hatinê re hatiye girtin.

Roja din hêzên operasyonê bi armanca mûdexaleyê li girê Gomerayê bi cî bûne. Li hember leşkerên ku li gir bi cî bûne, danê êvarî saet di 5'an de gerîlayên me çalakî lidarxistine û di çalakiyê de 5 leşker hatine kuştin û 2 leşker jî birîndar bûne. Operasyona mijara gotinê hê jî didome.

2- Ev deh roj in operasyona hêzên artêşa tirk ku bi beşdariya 10 hezar leşkerî li qadên Êlih, Heskîf, Mava û Kerboranê destpêkiriye hê jî didome. Ji ber operasyon hê jî didome, agahiyên zelal neketine destê me, 3 hevalên me yên bi navê Sûleyman Rodî (Vaceddîn Arslan), Sînan Batman (Menaf Kanat) û Munzur Welat (M. Mansur Koçak) nasnameya wan diyar bûye ku di pevçûnan de şehîd ketine. Operasyona navborî bi berfirehî didome.