LI BITLÎSÊ SERDEGIRTINA QEREQOLÊ!
LI ŞEMZÎNANÊ JÎ ENDAMÊ JÎTEMÊ ÎSMAÎL HATE KUŞTIN!

Ji rayagiştî û çapemeniyê re;

1- Di 18’ê rezberê de ji hêla gerîlayên me ve li hember girê qereqola Hervisê saet di 6’an de çalakiyek hatiye lidarxistin. Di çalakiyê de 2 leşker hatine kuştin û 3 leşker jî birîndar bûne. Piştî çalakiyê artêşa tirk mirî û birîndarên xwe bi firokeyên skorkyan rakirine û li derdora qereqolê operasyon hatiye destpêkirin.

2- Di 18’ê rezberê de ji hêla gerîlayên me ve saet di 3’yê bi roj de du maşînên sivîl ku cebilxane dibin Qereqola Bezelê ku li ser riya Bedevê û Bezelê ye hedef hatiye girtin. Di maşîna pêş de endamê JÎTEM’ê û di maşîna paş de lêşker hatine bicî kirin. Di herdu maşînên ku hedef hatine girtin de, 3 leşker birîndar bûne û endamê JÎTEM’ê Îsmaîl Ozkan jî di çalakiyê de hatiye kuştin.

3- Di 17’ê rezberê de di operasyona ku artêşa tirk daye destpêkirin de, di navbera artêşa tirk û gerîlayên me de danê sibeyî saet di 7’an de li girê Silo ku girêdayî Şemzînanê ye pevçûn derketiye. Pevçûnên ku cî bi cî berdewam kirine de danê sibeyî saet di 10’an de milekî operasyonê û panzêrek ku bi armanca destekê hatine qada operasyonê hedef hatiye girtin û di çalakiyê de panzêr lêdan xwariye û 3 leşker jî hatine kuştin.

4- Duh bi şev ji 12’ê şevê hetanî 2’yê şevê ji hêla hêzên artêşa tirk ve qadên Haftanîn, Xakûrkê, Zagros, Zap û Metîna ku li qada Herêmên Parastina Medyayê ne bi havan û obûsan hatiye lêdan. Di bombebaranê de zevî û baxçeyên eydî gundiyan zirarek mezin dîtine. Li qadên gundê Kasrokê û Şêlazê ku li Metînayê ne, erazî şewitiye û şewata ku destpêkiriye hê jî didome.

5- Duh qada Şehîd Xebat ku girêdayî Çewlikê ye ji hêla hêzên artêşa tirk ve bi obûs û havanan hatiye lêdan. Wekî din Geliyê Qîr ku girêdayî Yayladereyê ye, ji 7’ê rezberê vir ve bi firokeyên kobra û bi balafirên şer hatiye bombebarankirin. Di encama bombebarankirinê de şewata ku derketiye hê jî didome.

6- Duh bi şev saet di 3’yan de qadên Ferhan, Girê Kiş û Dalli Tepe ku girêdayî Çewlikê ne ji hêla firokeyên kobra ve hatine lêdan. Di encama lêdanê de li daristana qadê şewat derketiye û hê jî didome.

7- Di 12’ê rezberê de li hemberî qadên Nazmiye û Mazgîrtê ku girêdayî Dersîmê ne artêşa tirk operasyon daye destpêkirin. Di operasyonê de 12 û 13’ê rezberê de di navbera gerîlayên me û hêzên artêşa tirk de pevçûn derketiye. Di pevçûnan de mirî û birîndar du alî hene, bes agahiyeke zelal neketiye ber destê me.

8- Li qada Kato Jîrka ku ev serê hefteyeke artêşa tirk operasyon daye destpêkirin hê jî didome.

9- Di 12’ê rezberê de danê êvarî li derdora gundê Pifika û Toloyayê ku girêdayî navçeya Dîgora Qersê ne, ji hêla hêzên artêşa tirk ve operasyonek hatiye destpêkirin. Di operasyonê de di navbera hêzên artêşa tirk û gerîlayên me de pevçûn derketiye û di pevçûnê de gerîlayê me yê bi navê Çiya (Adîl Gezîcî) gihîştiye şehadetê.

10- Ev deh roj in bi beşdariya 10 hezar leşkerî li qadên Êlih, Heskîf , Mava û Kerboranê operasyonek destpêkiriye. Di operasyonê de cî bi cî pevçûn derketine û du alî windahî hene. Encamên pevçûnê emê di demeke nêzîk de bi gelê xwe re par ve bikin.