ARTÊŞA TIRK WINDAHIYÊN XWE VEDIŞÊRE!

Ji rayagiştî û çapemeniyê re;

1- Di 13’ê rezberê de maşîneke sivîl bi modela transît ku ji qereqola Mixisa navçeya Pervarî ya Sêrtê dertê û tê de leşker hene, ji hêla gerîlayên me ve danê êvarî saet di 5:30’an de kemîn hatiye avêtin û di kemînê de 5 leşker hatine kuştin û 8 leşker jî birîndar bûne.

2- Di 13’ê rezberê de li hember qereqola Garê ku girêdayî Şemzînanê ye, ji hêla gerîlayên me ve bi roj saet di 3:30’an de çalakiyeke sûîkastî hatiye lidar xistin. Di çalakiyê de di lêdana yekem de leşkerek hatiye kuştin û 2 leşker jî birîndar bûne. Roja din di 14’ê rezberê de danê sibeyî saet di navbera 4-6’an de leşkerên qereqolê ku dixwazin ciyê çalakî hatiye lidar xistin lêkolîn bikin, ji hêla gerîlayên me yên ku berê kemîn avêtine ve hatine lêdan û di encamê de 3 leşker hatine kuştin û 2 leşker jî birîndar bûne. Piştî çalakiyê gerîlayên me bi awayekî ewle xwe bi paş ve vekişandine.

3- Di 13’ê rezberê de li derdora Qereqolên Sekamerg û Gazê ku girêdayî qada Koyî Spî ya Amedê ye, ji hêla hêzên artêşa tirk ve operasyonek hatiye destpêkirin û hê jî didome.

4- Di 9’ê rezberê de ji hêla hêzên artêşa tirk ve li qada Devegeçîdî ku girêdayî Erganiya Amedê ye, operasyon hatiye destpêkirin û îro bê encam qediyaye.

5- Di 15’ê rezberê de li qada Çemçê ku girêdayî Qersê ye, ji hêla hêzên artêşa tirk ve operasyon destpêkiriye û hê jî didome.

6- Di 14’ê rezberê de li hember qadên Taşta Mergê, Deriyê Baqê, Deriyê Berana, Deriyê Qaçê, Baskê Nısmo, Girê Azmana, Gundê Erep û Siğur Paşa ku girêdayî herêma Kato Jîrka li Şirnexê ye, operasyon destpêkiriye. Operasyon bi beşdariya hêzên leşkerî yên Beytûşebap, Pervarî û Osyanê bi berfirehî didome.

7- Di 14’ê rezberê de danê nîvroj saet di navbera 11-12’an de qada Kaşûra, ji hêla hêzên artêşa tirk ve bi obûsan hatiye lêdan. Bombebarana ku bi şev jî berdewam kiriye, di encamê de daristan şewitîne û şewat hê jî didome.